Stjórnsýsla

Fundagerðir

Hér er að finna fundargerðir umhverfisnefndar frá þessu ári, raðað í tímaröð. Fundargerðir annarra ára er raðað eftir ártölum í hægri dálki: "Leitað eftir árum"

 

Umhverfisnefnd

309. fundur umhverfisnefndar Seltjarnarness

16/11/2021

309. fundur umhverfisnefndar Seltjarnarness haldinn þriðjudaginn 16. nóvember 2021 kl. 16:30 í aðstöðu umhverfissviðs að Austurströnd 1.

Boðaðir: Hannes Tryggvi Hafstein, Guðrún Jónsdóttir, Hákon Jónsson, Dagbjört H. Kristinsdóttir, Stefán Bergmann og Brynjar Þór Jónasson.

Fundargerð ritaði: Brynjar Þór Jónasson

Fundur settur: 16:30

Dagskrá:

  1. Málsnúmer: 2021080052.

    Fyrirspurn um útilistaverk við Hrólfsskálavör 2.

    Umhverfisnefnd tekur jákvætt í erindið en bendir á að á svæðinu eru skráðar fornminjar og fjörur Seltjarnarness eru á náttúruminjaskrá. Nefndin bendir á að umsækjandi þurfi að afla umsagna viðeigandi opinberra aðilla áður en hægt er að taka ákvörðun í málinu. Umhverfisnefnd felur sviðsstjóra skipulags- og umhverfissviðs að setja málið aftur fyrir fund nefndarinnar þegar umsagnir liggja fyrir.

  2. Málsnúmer: 2021050191.
    Safntröð 5 - fyrirspurn vegna mögulegrar stækkunar á lóð og safnhúsi.

    Umhverfisnefnd tekur almennt jákvætt í stækkun húss Náttúruminjasafnsins neðanjarðar. Fyrirliggjandi teikning reiknar með opnun út á norðurtúnið í Nesi. Umhverfisnefnd getur ekki fallist á þessa útfærslu vegna óhjákvæmilegs rasks að mati nefndarinnar. Tillaga skapar vont fordæmi og rýrir traust almennings til stefnufestu bæjaryfirvalda að varðveita opin svæði þ.m.t. Vestursvæðið. Sjá einnig bókun nefndarinnar á 308. fundi hennar frá 14.09.21.

  3. Málsnúmer: 2021040216.
    Fuglatalningar.

    Umhverfisnefnd telur mikilvægt að fuglatalningar á Seltjarnarnesi fari fram á hverju ári til að fá betri upplýsingar um varpsvæði og dreifingu fugla milli ára. Talningar veita jafnframt upplýsingar um ástand, ógnir og aðra þætti í umhverfinu. Á Seltjarnarnesi hefur farið fram ein lengsta samfelda rannsókn á einstöku kríuvarpi á öllu landinu og er gjarnan vitnað í rannsóknir á Seltjarnarnesi. Náttúrustofnun Íslands leggur m.a. til að fuglatalningar fari fram árlega til að fá betri upplýsingar um fjölda, varpárangur o.fl. Umhverfisnefnd hvetur bæjarstjórn til að tryggja fé til fuglatalninga 2022.

  4. Málsnúmer : 2021100157 .
    Kynning á tillögu friðlýsingar Bessastaðaness.

    Umhverfisnefnd fagnar friðlýsingunni og gerir ekki athugasemdir við framkomna tillögu.

  5. Önnur mál
    Umhverfisnefnd þakkar öllum hlutaðeigandi frágang við endurbætur á stíg við Kotagranda.


Fundi slitið: 17:50

Senda grein

Fara aftur á nýjustu fundargerðir


Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: