Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Stjórnsýsla
Sumarbæklingur

Sumarbæklingur Íþrótta- og tómstundanefndar Seltjarnarness 2016

Upplýsingar um sumarnámskeið barna sem verða í boði á Seltjarnarnesi sumarið 2016.

Sumarstarfið verður með hefðbundu sniði og verður gott framboð af spennandi afþreyingu fyrir börn og ungmenni  á aldrinum 6 -18 ára á Seltjarnarnesi, líkt og undanfarin ár.

Skráð er í eftirfarandi námskeið í Mínar síður en opnað verður fyrir skráningu 3. mai. 

  • Leikja- og ævintýranámskeið (6-9 ára)
  • Survivor-námskeið (10-13 ára)
  • Smíðavöllur (8 ára og eldri)
  • Ritsmiðja (10-13 ára)

Íþróttamiðstöð Seltjarnarness

Sundlaug, íþróttahús og íþróttavellir.
Sími sundlaug 561-1551
Sími íþróttahús 561-2266
Sími Suðurstrandavöllur 571-0160


Sundlaug

Sundlaug SeltjarnarnessSundlaugin hefur verið heilsuperla almennings í gegnum tíðina þar sem fólk ræktar líkama og sál. Með tilkomu heilsuræktar í tengslum við sundlaugina er boðið uppá fyrsta flokks aðstöðu fyrir alla aldurshópa.

Í boði er 25 metra sundlaug sem er 29° heit – barnalaug sem er 35° heit – vaðlaug sem er 37° heit og 4 potta með hitastigi frá 37° upp í 44°. Vatnið í laugunum og tveimur pottum kemur frá eigin borholum og er afar steinefnaríkt og gott fyrir húðina.

Því ættu allir að finna eitthvað við sitt hæfi, hvort sem fólk kemur til þess að synda, slaka á í mjúku vatninu eða leysa heimsvandamálin í heitu pottunum. 

Starfsfólk sundlaugar mun taka vel á móti ykkur.

SundlaugGjaldskrá og afgreiðslutímar:

Fullorðnir frá 18 ára

Stakur 10 miðar  Árskort 
 600  4.000  30.000

Börn frá 6 ára

Stakur  10 miðar  Árskort
 120  900  10.000

Leiga sundfata            Greitt er kr 1.350 og kr. 1.000 til baka. 
Leiga handklæðis       kr. 400

 

Sundlaugin er opin sem hér segir:

Mánudaga - föstudaga frá kl. 06:30 - 21:00.
Laugardaga og sunnudaga frá kl. 08:00 -19:30


Eimbað

Eimbaðið er á útisvæði sundlaugarinnar og geta allir sem fara í sund nýtt sér þessa frábæru aðstöðu án þess að greiða sérstaklega fyrir hana.


SundlaugVatnsleikfimi

Vatnsleikfimin verður í sumar eins og venjulega.  Tveir skemmtilegir hópar kvölds og morgna og þarf ekki að greiða sérstaklega fyrir hana heldur er hún innifalin í aðgangsverði sundlaugar.

Tímarnir verða fjórir í viku eins og áður, tveir á morgnana og tveir á kvöldin. 

Allir velkomnir.



Sundnámskeið

Sundrnámskeið verða haldin í tengslum við Sumarskólann í ágúst. Nánar auglýst síðar

efst á síðu


Leikja- og ævintýranámskeið 

Leikjanámskeið fyrir börn sem eru fædd árin 2009 og 2008.

Á leikjanámskeiðunum verður efniviðurinn sóttur í nær umhverfið og börnin æfa sig í að umgangast dýr og menn á Seltjarnarnesinu. Börnin á námskeiðum munu fara í sundferðir og skoðunarferðir. Áhersla verður lögð á útileiki og skapandi vinnu með börnunum.

Öll námskeið sumarsins verða þematengd þannig mun hvert námskeið verða ólíkt því næsta. Skipulögð dagskrá er frá klukkan 9:00 - 16:00, en boðið er upp á gæslu frá klukkan 8:00 - 9:00 og 16:00 -17:00. Taka þarf fram ef þörf er á þeirri gæslu. Þátttakendur þurfa að hafa með sér kjarngott nesti, sundföt, hlífðarfatnað og annan fatnað er hæfir veðri og viðburðum hverju sinni. 

Það eru vandaðir leiðbeinendur á námskeiðunum auk aðstoðarfólks frá vinnuskóla. 

Börn á leikjanámskeiðiNámskeiðin verða sem hér segir:

8. júní - 16. júní  
Ath. síðasti dagur til að skrá á þetta námskeið er 6. júní

20. júní - 01. júlí
Ath. síðasti dagur til að skrá á þetta námskeið er 15. júní

4. júlí - 15. júlí
Ath. síðasti dagur til að skrá á þetta námskeið er 29. júní

18. júlí – 29. júlí
Ath. síðasti dagur til að skrá á þetta námskeið er lýkur 13. júlí

Hægt er að velja heilan eða hálfan dag.
Verð kr. 10.500 allur dagurinn (9:00-16:00).
Verð kr. 5.700 hálfur dagurinn  (9:00-12:00 eða 13:00-16:00). Gæsla fyrir eða eftir námskeið kostar kr. 1.260. 
Verð á fyrsta námskeiði (8. -16. júní) allur dagurinn 9.000 krónur, hálfur dagurinn 5000 kr.

Mæting: Valhúsaskóla

Rafræn skráning er á námskeiðin gegnum heimasíðu Seltjarnarness „Mínar síður“.  Skráning hefst 3. maí. Nánari upplýsingar um námskeiðin eru í síma 696 1537, 595 9177 og 595 9178

Athugið að skráð er á „Leikja- og ævintýranámskeið” og aldurinn en börnum verður svo skipt eftir fæðingarárum í leikjanámskeið og ævintýranámskeið.


Leikja- og ævintýranámskeið 

Ævintýranámskeið fyrir börn sem eru fædd árin 2007 og 2006

Á ævintýranámskeiðunum munu verður lögð áhersla á hópefli, leiki, útiveru og ævintýri. Börnin fá tækifæri til takast á við skapandi verkefni á borð við tónlist, leiklist og myndlist. Þátttakendur munu fara í vettvagnsferðir á áhugaverða staði og sundferðir sem svíkja engan.

Öll námskeið sumarsins verða þematengd þannig mun hvert námskeið verða ólíkt því næsta. Skipulögð dagskrá er frá klukkan 9:00 - 16:00, en boðið er upp á gæslu frá klukkan 8:00 - 9:00 og 16:00 -17:00. Taka þarf fram ef þörf er á þeirri gæslu. Þátttakendur þurfa að hafa með sér kjarngott nesti, sundföt, hlífðarfatnað og annan fatnað er hæfir veðri og viðburðum hverju sinni. 

Það eru vandaðir leiðbeinendur á námskeiðunum auk aðstoðarfólks frá vinnuskóla.

Börn á ævintýranámskeiðiNámskeiðin verða sem hér segir:

8. júní - 16. júní  
Ath. síðasti dagur til að skrá á þetta námskeið er 6. júní

20. júní - 01. júlí
Ath. síðasti dagur til að skrá á þetta námskeið er 15. júní

4. júlí - 15. júlí
Ath. síðasti dagur til að skrá á þetta námskeið er 29. júní

18. júlí – 29. júlí
Ath. síðasti dagur til að skrá á þetta námskeið er lýkur 13. júlí

Hægt er að velja heilan eða hálfan dag.
Verð kr. 10.500 allur dagurinn (9:00-16:00).
Verð kr. 5.700 hálfur dagurinn  (9:00-12:00 eða 13:00-16:00). Gæsla fyrir eða eftir námskeið kostar kr. 1.260. 
Verð á fyrsta námskeiði (8. -16. júní) allur dagurinn 9.000 krónur, hálfur dagurinn 5000 kr.

Mæting: Valhúsaskóla

Rafræn skráning er á námskeiðin gegnum heimasíðu Seltjarnarness „Mínar síður“.  Skráning hefst 3. maí. Nánari upplýsingar um námskeiðin eru í síma 6961537, 595 9177 og 595 9178. 

Athugið að skráð er á „Leikja- og ævintýranámskeið” og aldurinn en börnum verður svo skipt eftir fæðingarárum í leikjanámskeið og ævintýranámskeið.


Survivor–námskeið

Survivornámskeið fyrir börn fædd 2005 – 2003 verður haldið á vegum Seltjarnarnesbæjar. 

Börn á leikjanámskeiði

8. júní - 16. júní  
Ath. síðasti dagur til að skrá á þetta námskeið er 6. júní

20. júní - 01. júlí
Ath. síðasti dagur til að skrá á þetta námskeið er 15. júní

4. júlí - 15. júlí
Ath. síðasti dagur til að skrá á þetta námskeið er 29. júní

18. júlí – 29. júlí
Ath. síðasti dagur til að skrá á þetta námskeið er lýkur 13. júlí

Survivor þema verður á námskeiðinu. Það verða búnir til tveir ættbálkar sem taka þátt í ýmsum þrautum. Ath. enginn verður kosinn burt af námskeiðinu!

Mæting: Valhúsaskóla

Á námskeiðunum verður einnig farið í bátsferð, hjólreiðaferð, sund og íþróttir auk þess sem gist verður í tjaldi/skála yfir eina nótt.

Dagskrá námskeiðsins er frá klukkan 10:00-13:00 og þátttakendur þurfa að hafa með sér nesti og hlýjan fatnað.

Verð kr. 6.500.

Rafræn skráning er á námskeiðin gegnum heimasíðu Seltjarnarness.Mínar síður  Skráning hefst 3. maí.

Nánari upplýsingar um námskeiðin eru í síma 696 1537, 595 9177 og 595 9178      

Hámarksfjöldi á hvert námskeið eru 20 börn  
                                                                                                                                                                                          efst á síðu

Smíðavöllur

SmíðavöllurÍ sumar verður starfræktur smíðavöllur á vegum bæjarins fyrir börn fædd 2008 og eldri.

Völlurinn verður staðsettur við Mýrarhúsaskóla og er starfræktur í  júní og júlí, en völlurinn er opinn frá kl. 9:00 – 12:00 og 13:00 – 16:30 daglega. 

Smíðavöllurinn hefst mánudaginn 8. júní.

Fyrra tímabil er frá 8. júní til 1. júlí 
Ath. síðasti dagur til að skrá á þetta námskeið er 6. júní

Seinna tímabil er frá 4. til 29. júlí
 Ath. síðasti dagur til að skrá á þetta námskeið er 29. júní


Verð kr. 6.000.

Mæting: Valhúsaskóli

Ath! Þátttakendur eru á eigin vegum og geta því komið og farið að vild. Verð á hvern þátttakanda er kr. 6.000, fyrir einn mánuð.  Innifalið í verði er efniviður, naglar og verkfæri ásamt aðstoð frá leiðbeinanda.

Rafræn skráning er á námskeiðin gegnum heimasíðu Seltjarnarness Mínar síður.  Skráning hefst 3. maí. Nánari upplýsingar  eru í síma 696 1537, 595 9177 og 595 9178


Ritsmiðja - Raddir ungu kynslóðarinnar


Ritsmiðja fyrir börn fædd 2003-2006 eða 10-13 ára 

Jóhanna María EinarsdóttirTímasetning: 20.-30. júní 2016 kl. 9:00-13:00 mánudaga til fimmtudags
Staðsetning: Bókasafni Seltjarnarness
Umsjón: Jóhanna María Einarsdóttir rithöfundur og myndlistarmaður
Hámarksfjöldi á námskeiðið eru 20 börn 

Um ritsmiðjuna segir Jóhanna María: „Oft hefur verið sagt að ungviðið sé allajafna fordómalaust. Sennilega er það lygi. Það þýðir þó ekki að það hafi ekki ótal margt merkilegt að segja um þemað í ár, sem er Raddir ungu kynslóðarinnar.

Við munum fara um víðan völl og ræða málefni líðandi stundar eins og það hvernig orð geta blekkt, tjáningarfrelsi, innflytjendur og flóttamenn,
samskipti ólíkra menningarheima og annað sem viðkemur tjáningu í
samtímanum. Þátttakendur fá að spreyta sig á ýmsum textaformum svo sem ljóðum, örsögum, samtölum og mörgum fleirum. Við munum skrifa inni, við munum skrifa úti (ef veður leyfir), við munum skrifa hvort öðru en fyrst og fremst munum við skrifa fyrir okkur sjálf.

Í síðustu tímum námskeiðsins velja ritsmiðirnir einn eða fleiri texta til þess að vinna áfram. Í lokin höldum við svo upplestur á bókasafninu fyrir foreldra og aðra sem hafa áhuga á að heyra raddir ungu kynslóðarinnar."

Námskeiðsgjaldið er kr. 5.000,- Námskeiðið fer fram frá kl. 9:00 - 13:00 og er ein nestispása þar sem börnin borða eigið nesti. Skráning fer fram á  á heimasíðunni seltjarnarnes.is undir Mínar síður“ - „Umsókn um leikjanámskeið. Skráning hefst 3. maí


Knattspyrnudeild Gróttu 

Knattspyrnuskóli Gróttu - fyrir krakka fædd 2006 til 2010

Knattspyrnuskóli Gróttu hefur verið starfræktur samfellt frá árinu 1986 og hefur skólinn hlotið gæðavottun KSÍ. Allir eru velkomnir í knattspyrnuskólann, jafnt þeir sem hafa æft lengi sem og þeir sem hafa áhuga á að prófa fótbolta í fyrsta skipti. Knattspyrnuskólinn verður starfræktur frá kl. 9:00-12:00 mánudaga til föstudaga en í sumar verða bækistöðvar skólans í íþróttahúsinu vegna framkvæmda á Vivaldivellinum.

Tekið er á móti börnunum frá 08:00 og verða börn fædd 2010 sótt í leikskólann og þeim fylgt til baka að námskeiði loknu. Þátttakendum verður skipt í hópa eftir aldri og mun starfsemin að mestu leyti verða á grasvellinum á Valhúsahæð og sparkvellinum við Mýrarhúsaskóla. Lögð verður áhersla á að kenna grunnþætti knattspyrnunnar með skemmtilegum leikjum og æfingum og verður margt til gamans gert. Skólastjóri knattspyrnuskólans verður Pétur Már Harðarson íþróttafræðingur og þjálfari hjá Gróttu og honum til aðstoðar verða þjálfararnir Jórunn María Þorsteinsdóttir, Björn Valdimarsson og Pétur Rögnvaldsson.

Knattspyurnuskóli Gróttu

Námskeið 1         8. júní - 16. Júní       5.700 kr.

Námskeið 2      20. júní - 1. júlí            6.900 kr

Námskeið 3         4. júlí - 15. júlí           6.900 kr
Námskeið 4       18. júlí – 29. júlí          6.900 kr

Verð kr. 6.900-. Systkinaafsláttur er 10%.


Innritun fer fram í gegnum rafrænt skráningakerfi Gróttu, Nóra https://grotta.felog.is/ (opnast í nýjum vafraglugga) en upplýsingar um skráningu er hægt að nálgast á vef Gróttu, http://www.grottasport.is/  (opnast í nýjum vafraglugga) eða í síma 561-1133.

Foreldrar athugið! Börnum er boðið upp á að sameina leikjanámskeið og knattspyrnuskólann (allur dagurinn) en foreldrar þurfa að skrá börnin á bæði námskeiðin. Boðið verður upp á gæslu frá kl. 12:00-13:00. Börn sem eru á leikjanámskeiði og hafa áhuga á að komast í knattspyrnuskólann geta með þessu móti slegið tvær flugur í einu höggi. 


Knattspyrnuakademía - fyrir krakka fædd 2002 til 2005

Knattspyurnuskóli Gróttu

Í sumar verður boðið upp á sérstaka knattspyrnuakademíu fyrir stráka og stelpur í 4. og 5.flokki en það eru krakkar sem voru að klára 5.-8. bekk í vor. Æft verður þrisvar sinnum í viku fyrir hádegi í 6 vikur en hægt er að kaupa eina viku í senn. Æfingarnar verða fjölbreyttar og að mörgu leyti öðruvísi en hefðbundnar fótboltaæfingar en meðal annars verður farið í tækni, leikfræði, og annað tengt fótboltanum. Búast má við góðum gestum úr fótboltaheiminum sem munu spjalla við krakkana og þá verður farið í vettvangsferðir á spennandi staði.

Æft verður mánudaga, miðvikudaga og fimmtudaga frá 10:30-12:00.

Verð fyrir 6 vikur er kr. 16.000- en einstök vika kostar kr. 3.200-. Systkinaafsláttur er 10%.  Námskeiðið hefst miðvikudaginn 8. júní kl. 10:30.

Yfirmaður akademíunnar verður Pétur Már Harðarson íþróttafræðingur og þjálfari hjá Gróttu.


Innritun fer fram í gegnum rafrænt skráningakerfi Gróttu, Nóra https://grotta.felog.is/ (opnast í nýjum vafraglugga) en upplýsingar um skráningu er hægt að nálgast á vef Gróttu, http://www.grottasport.is/  (opnast í nýjum vafraglugga) eða í síma 561-1133.


Handknattleiksdeild Gróttu

Handknattleiksdeild Gróttu

Handknattleiksdeild Gróttu verður, líkt og síðustu ár með öflugt sumarstarf fyrir börn og unglinga. Í sumar verður boðið upp á handboltaaskóla í þrjár vikur, þ.e. frá 2. – 19. ágúst. 

Í handboltaskólanum verður börnum skipt eftir aldri til að koma til móts við þarfir hvers og eins. Farið verður í grunnatriði fyrir yngsta aldurshópinn og flóknari æfingar fyrir eldri hópa. 

Vandað verður til verka við val á þjálfurum og leiðbeinendum við skólann, líkt og undanfarin ár. Meðal þeirra sem koma að þjálfuninni eru leikmenn og þjálfarar handknattleiksdeildar. Byrjendur eru sérstaklega velkomnir á þessi námskeið.

Skólinn verður alla daga frá kl. 09:00 – 12:00, en boðið verður upp á gæslu frá kl. 08:00 og að skóla loknum til kl. 13:00.

Handboltaskólanum lýkur með grillveislu fyrir alla þátttakendur föstudaginn 19. ágúst.

Verð:

Handknattleiksdeild Gróttu

Vika 1 - kr. 4.800  (4. – 7. ágúst)
Vika 2 - kr. 6.000  (10. – 14. ágúst)
Vika 3 - kr. 6.000  (17. – 20. ágúst)

Ef allar vikur eru teknar kostar það kr. 14.700

Handknattleiksdeild Gróttu verður einnig með sérstakan afreksskóla en hann er starfræktur frá, 2. - 18.ágúst fyrir iðkendur sem verða í 5. og 4.flokki næsta vetur (f. 2001-2004). Æfingar fara fram á mánudögum, þriðjudögum, miðvikudögum kl. 12:30- 14:00 og á fimmtudögum kl. 14:00 - 15:30. Í afreksskólanum verður að miklu leyti farið í flóknari tækniatriði en í handboltaskólanum og meiri afrekshugsun í fyrirrúmi.

Verð:

Vika 1  - kr. 3.750  (2.- 5. ágúst)

Vika 2 -  kr. 5.000  (8.-12. ágúst)

Vika 3 -  kr. 5.000  (15. - 19. ágúst)

Ef allar vikurnar eru teknar þá kostar það 11.500 kr

Afreksskólanum lýkur með grillveislu fyrir alla þátttakendur fimmtudaginn 18.ágúst.


Innritun fer fram í gegnum rafrænt skráningakerfi Gróttu, Nóra https://grotta.felog.is/  en upplýsingar um skráningu er hægt að nálgast á vef Gróttu, http://www.grottasport.is/   eða í síma 561-1133.                


Fimleikadeild Gróttu 2015

Fimleikaskóli Gróttu

Fimleikadeildin verður með fimleikaskóla fyrir 6-9 ára krakka(f.2006-2009) í júní og ágúst.  Námskeiðin verða frá kl. 9:00-12:00 alla virka daga en standa yfir í 2 vikur í senn. Börnunum verður skipt í hópa eftir aldri og færni í fimleikaæfingum. Lögð verður áhersla á fimleika ásamt leikjum og fleiru.  Börnin eiga að mæta á námskeiðið í fimleikafatnaði og með nesti.  Umsjón með námskeiðunum hefur Hrafnhildur Sigurjónsdóttir þjálfari fimleikadeildarinnar og koma aðstoðamenn einnig úr þjálfararhópi deildarinnar. Námskeiðið verður i höndum Guðrúna Jónu Stefánsdóttur þjálfara deildarinnar ásamt aðstoðarmönnum sem einnig koma úr þjálfarahóp deildarinnar.  Boðið verður upp á gæslu frá kl. 8:30 - 9:00 og Fimleikadeild Gróttu12:00 – 12:30.

Námskeiðin eru sem hér segir

15. júní -19. júní kr. 9.000

22. júní – 26. júní  kr. 12.250

10. ágúst – 14. ágúst kr. 11.250

Veittur er 10% systkinaafsláttur

Innritun fer fram í gegnum rafrænt skráningakerfi Gróttu, Nóra https://grotta.felog.is/ (opnast í nýjum vafraglugga) en upplýsingar um skráningu er hægt að nálgast á vef Gróttu, http://www.grottasport.is/  (opnast í nýjum vafraglugga) eða í síma 561-1133.



Námskeið Golfsklúbbs Ness

Krakka- og unglinganámskeið

Ungir golfiðkendur

Hin vinsælu golfleikjanámskeið fyrir krakka- og unglinga sem Nesklúbburinn heldur á ári hverju óháð því hvort að þau séu í klúbbnum eða ekki verða að vanda haldin í júní. Markmiðið með námskeiðunum er að kenna undirstöðuatriðin í golfleik, helstu golfreglur, framkomu og umgengni á golfvelli.

Yfirumsjón með námskeiðunum er í höndum golfkennara Nesklúbbsins, Nökkva Gunnarssonar og með honum eru fimm leiðbeinendur á hverju námskeiði.

Námskeiðin verða auglýst nánar á heimasíðu klúbbsins http://www.nkgolf.is/  undir  kennsla.

Námskeið 1. 08. - 10. júní kl. 09.00 - 12.00

Námskeið 2. 13. - 16. júní kl. 09.00 - 12.00

Námskeið 3. 20. - 24. júní kl. 09.00 - 12.00

Námskeið 4. stúlknanámskeið (að því gefnu að næg þátttaka náist) 27. júní - 1. júlí kl. 09.00 - 12.00

Verð pr. námskeið kr. 14.000.-

Innifalið í gjaldinu er nestispakki sem inniheldur hvern dag: Rúnstykki með skinku og osti, ávaxtasafi og ávextir.

Skráning sem fer eingöngu fram í síma 561-1930 hefst mánudaginn 4. maí næstkomandi.  Undanfarin ár hafa færri komist að en viljað og því um að gera að skrá börnin sem fyrst. 

Golfklúbbur Ness
170 Seltjarnarnes
Sími: 561-1930
Fax: 561-1966
Netfang: nkgolf@nkgolf.is
Heimasíða Nesklúbbsins er: http://www.nkgolf.is/ 


Heilunarskóli Nýjalands ehf

Að finna fyrir kærleika, gleði og frið. Námskeið fyrir börn 9-11ára

Markmið með þessu námskeiði er að kenna börnum aðferðir til að ná meiri stjórn á næmleika sínum, sjálfheilun og heilbrigða hugsun gagnvart sjálfum sér og öðrum.

Börn í heilunarskólaÞað sem kennt er:
Orkublik og orkustöðvar. Vatn, hvers vegna er það mikilvægt.
Hugleiðslur. Falleg hugsun. Fyrirgefning Blómadropar. Litir, hvað áhrif þeir hafa. Kristalar og steinar

Það verða tvö námskeið í sumar:
Fyrra  hefst   8.júní til 15.júní kl.9:00 til 12:30 alla dagana

Síðara hefst 16.júní til 24.júní

Kennslan fer fram í Seltjarnarneskirkju. Skráning er hafin.

Gjaldið er 25.000.-kr.

Innifalið:  kennsla, blómadropar, kristalar, vinnumappa og ávextir/grænmeti.

Kennarar: Stefanía S. Ólafsdóttir Græðari og Súsanna María Kristinsdóttir hjúkrunarfræðinemi

Nánari upplýsingar í síma 5174290 og 8682880 www.nyjaland.is      nyjaland@gmail.com


Vinnuskólinn

Vinnuskóli

Hjá Vinnuskóla Seltjarnarness sumarið 2016 eru unglingar 14-17 ára, fæddir árið 1999 til 2002.

Vinna felst í umhirðu á gróðurbeðum bæjarins, málun leiktækja, slætti, gróðursetningu sumarblóma, aðstoð inn á stofnunum bæjarins, aðstoð við leikjanámskeið, aðstoð við sundnámskeið ofl.
Starfstími Vinnuskólans er 7 vikur, frá 9. júní til 21. júlí 2016.Vinnuskólinn er settur 8. júní n.k. í sal Valhúsaskóla kl. 11:00

Unglingar fæddir 2001 og 2002 fá vinnu við hreinsunar- og garðyrkjustörf 3,5 tíma á dag 4. daga í viku, mánudaga til fimmtudags.

  • Unglingar fæddir 2001 mæta 8:30 til 12:00
  • Unglingar fæddir 2002 mæta 13:00 til 16:30,
  • Unglingar fæddir 1999 og 2000 eiga kost á vinnu 7 tíma á dag 4 daga í viku frá 8:30 til 16:30.

Vinnuskólinn er reyklaus vinnustaður og er öll notkun tóbaks óheimil. Brot á þeirri reglu varðar brottrekstri



Bókasafnið 

Bókasafn

Sumarlestur og sumarleikur á Bókasafni Seltjarnarness

Sumarlestur fyrir krakka 6 til 12 ára verður á bókasafninu í sumar. Verkefnið hefst 19. maí og stendur til 7. september.  Hægt er að byrja hvenær sem er, en skráning fer fram þegar mætt er í fyrsta sinn.

Sumarlestur
Allt sem þarf að gera er að skrá lesnar bækur á lestrarblöð.  Þar á að tiltaka titil bókar, blaðsíðufjölda og skrifa stutta umsögn um bókina.  Eftir hverja lesna bók fá allir broskarl og stimpil bókasafnsins.  Sumarlestur hefur það að markmiði að viðhalda og auka lestrarfærni barna. 
Sumarleikur 
Söguhetjan heitir? er leikur þar sem börnin eiga að þekkja söguhetjur úr barnabókum af myndum. 
Dregið verður um spennandi verðlaun á uppskeruhátíð sumarlestursins sem verður fimmtudaginn 15. september kl. 17:00.  
Þar verða einnig veitt verðlaun fyrir góðan árangur og boðið upp á óvæntar uppákomur.

Afgreiðslutími bókasafnsins er mánudaga til fimmtudaga kl. 10:00-19:00 og föstudaga kl. 10:00-17:00. 
Eiðistorg  2. hæð. Sími 5959170. 


World Class

World Class Seltjarnarnesi er 2000 fm heilsuræktarstöð þar sem allir geta fundið eitthvað við sitt hæfi. Í stöðinni er bjartur og rúmgóður tækjasalur með nýjustu heilsuræktartækin. Salir eru fyrir fjölbreytta hóptíma, Crossfit, dans og jóga ásamt notalegri baðstofu.

Tækjasalur World ClassAfgreiðslutímar

Alla virka daga 06:00-22:30*

Helgar 08:00-20:00*

*Tækjasalur lokar 30 mín fyrr.

Allar frekari upplýsingar er að finna á http://www.worldclass.is/

efst á síðu

 






Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: