Þjónusta við fatlaða

Tilfærsla þjónustu við fatlaða frá ríki til sveitarfélags 

Þann 1. janúar 2011 munu sveitarfélög taka við þjónustu við fatlað fólk.  Seltjarnarnesbær mun þá taka við þjónustu og rekstri eftirfarandi þjónustuþátta í samstarfi við Reykjavíkurborg:

• Sambýlið að Sæbraut
• Frekari liðveisla við fatlað fólk, margháttuð aðstoð við ýmsar athafnir daglegs lífs
• Ráðgjöf og aðstoð við fatlað fólk, foreldra fatlaðra barna og ungmenna og aðstandendur til viðbótar við það sem fyrir er hjá félagsþjónustunni
• Stuðningsfjölskyldur
• Skammtímavistun og atvinnu með stuðningi

Eitt af markmiðum tilfærslu þjónustunnar frá ríki til sveitarfélaga er að efla þá félagsþjónustu sem fyrir er í sveitarfélaginu.  Á Seltjarnarnesi er starfandi félagsþjónusta og mun hún eflast með auknum verkefnum í þjónustu við fatlað fólk. Starfsmenn félagsþjónustunnar munu annast þjónustu við fatlað fólk, foreldra og aðstandendur þeirra. 

Unnið er að gerð samnings við Reykjavíkurborg um sameiginlegt þjónustusvæði Reykjavíkur og Seltjarnarness.

Starfandi er teymi vegna tilfærslunnar. Í teyminu sitja Erlendur Magnússon, Ragna Marinósdóttir og Snorri Aðalsteinsson félagsmálastjóri. Þessi hópur hefur unnið að undirbúningi tilfærslunnar frá því fyrri hluta ársins 2010.

Eitt þjónustusvæði í Vesturbæ og Seltjarnarnesi

Ráðgert er að koma á sameiginlegu þjónustusvæði fyrir Vesturbæ og Seltjarnarnesið í samstarfi við Reykjavíkurborg. Í þessu felst að félagsþjónustan á Seltjarnarnesi og í Vesturbæ Reykjavíkur mynda grunneiningu þjónustusvæðisins.

Einstaklingur sem á lögheimili á Seltjarnarnesi sækir þjónustu til félagsþjónustu Seltjarnarnesbæjar.  

Nánari upplýsingar um málefni fatlaðra hjá Félagsþjónustu Seltjarnarness, sími 5959100 veita:

Snorri Aðalsteinsson félagsmálastjóri, snorri@seltjarnarnes.is
Sigrún Hv. Magnúsdóttir yfirfélagsráðgjafi, sigrunhv@seltjnarnes.is
Hildigunnur Magnúsdóttir félagsráðgjafi hildigunnur@seltjarnarnes.is

Sjá nánar áhugaverðar vefsíður Sambands íslenskra sveitarfélaga og félags- og tryggingamálaráðuneytis varðandi tilfærsluna.

Þjónusta við fatlaða.

Fötluðum er veitt lögboðin þjónusta samkvæmt lögum um málefni fatlaðra. Sú þjónusta sem bæjarfélagið veitir er liðveisla og ferðaþjónusta fatlaðra. Auk þess eiga fatlaðir rétt á annarri félagslegri þjónustu svo sem heimaþjónustu og heimsendingu matar.

Liðveisla

Liðveisla er þjónusta veitt fötluðum. Markmiðið með liðveislu er að veita persónulegan stuðning og rjúfa félagslega einangrun, gera fötluðum kleift að njóta menningar og afþreyingar, og komast út meðal fólks. Einnig er lögð áhersla á að auka félagsfærni þess sem fær liðveislu. Liðveisla er veitt skv. lögum um málefni fatlaðra og um hana gilda reglur um liðveislu. Þörf fyrir liðveislu er metin í hverju og einu tilviki. Nánari upplýsingar gefur félagsráðgjafi í síma 5959 130.

Ferðaþjónusta fatlaðra

Fatlaðir sem ekki komast ferða sinna í eigin bílum, strætisvögnum eða á annan hátt er veitt ferðaþjónusta með sérbúnum bifreiðum. Lögð er höfuðáhersla á að flytja fatlaða til og frá vinnu, skólum og hæfingarstöðvum. Aldraðir geta einnig í sérstökum tilvikum fengið akstur hjá ferðaþjónustu fatlaðra.

Reglur um liðveislu

Relgur um ferðaþjónustu fatlaðra