Íþróttir og tómstundir
Íþrótta-, tómstunda- og - æskulýðssvið fer með málefni íþrótta, tómstunda og æskulýðsmála. Framkvæmdastjóri er Haukur Geirmundsson
Á Seltjarnarnesi er öflugt íþróttastarf. Ber þar hæst starf Íþróttafélagsins Gróttu, en félagið hefur innan raða sinna knattspyrnudeild, fimleikadeild og handknattsleiksdeild.
Íþróttahús/Íþróttamiðstöð Seltjarnarness gegnir lykilhlutverki í starfssemi sviðsins ásamt gervigrasvelli við Suðurströnd, en þar er góð aðstaða fyrir alla íþróttaiðkun, hvort sem það eru skólarnir eða íþróttafélögin eða almenningur sem nýtir sér aðstöðuna.
Sundlaug Seltjarnarness er einnig staðsett við Íþróttamiðstöðina og er hún sívinsæl meðal bæjarbúa. Opnunartímar eru sem hér segir: Mánudaga til föstudaga kl. 6:30-22:00 og laugardaga og sunnudaga kl. 8:00-20:00.
Félagsmiðstöðin Selið er staður fyrir unglinga, þar sem unglingar hafa tækifæri til að gera hluti sem að þeir hafa gaman að og þar sem hægt er að hitta jafnaldra sína og skemmta sér með þeim undir leiðsögn og hjálp sérhæfðra starfsmanna. Selið er staðsett við Suðurströnd, í húsi Heilsugæslunar. Hægt er að fá nánari upplýsingar á heimasíðunni – www.selid.is.
