Menning og listir
Fræðslu- og menningarsvið hefur m.a. umsjón með menningar- og safnamálum. Framkvæmdarstjóri er Óskar J. Sandholt.
Fjölbreytt menningarstarf er í boði í Seltjarnarnesi. Menningarnefnd Seltjarnarness úthlutar styrkjum til menningarstarfs en auk þess stendur menningarnefnd fyrir kaupum á listaverkum og bæjarlistamaður er valinn árlega.
Árlega er farið í Jónsmessugöngu um Nesið sem nýtur stöðugt meiri vinsælda og kemur fólk víða að til að taka þátt. Göngunni lýkur með hressingu, varðeldi, harmónikkuspili og söng.
Hér er hægt að lesa menningarstefnu Seltjarnarness.
Bókasafn Seltjarnarness
Hlutverk Bókasafns Seltjarnarness er að vera vettvangur fyrir félags- og menningarlíf bæjarbúa þar sem almenningur getur notið menningar, bókmennta og lista, og jafnframt að vera rafræn upplýsingastofnun með nýjustu margmiðlunartækni sem völ er á.
Fræðasetur í Gróttu
Grótta er einstök náttúruperla vestast á höfuðborgarsvæðinu. Þar er að finna óspillta og einstaka náttúru. Fræðasetrið er ætlað að kynna náttúru og umhverfi Gróttu íbúum Seltjarnarness. Fræðasetrið hefur verði leigt út til hópa eða einstaklinga til fundahalda, minni hátíðahalda og gistingar. Nánari upplýsingar veita Hrafnhildur Sigurðardóttir leikskólafulltrúi eða Ellen Calmon fræðslu- og menningarfulltrúi í síma 5959 100.
Lækningaminjasafn Íslands
Seltjarnarnesbær, menntamálaráðuneytið, Þjóðminjasafn Íslands, Læknafélag Íslands og Læknafélag Reykjavíkur hafa undritað samning um byggingu og rekstur húsnæðis fyrir Lækningaminjasafn Íslands og aðra menningartengda starfsemi. Seltjarnarnesbær mun taka að sér og bera ábyrgð á framkvæmdum við safnabygginguna sem mun verða um 1300 fermetrar að stærð og verður reist samkvæmt teikningum Yrkis arkitekta ehf. sem liggja fyrir.
Safnið mun starfa sem stofnun á vegum bæjarfélagsins og verður það miðstöð safnastarfsemi á sviði lækna- og heilbrigðisvísinda auk þess að bera ábyrgð á söfnun, varðveislu, rannsóknum og miðlun á þeim munum og minjum sem snerta sögu lækninga á Íslandi. Byggingin mun að auki nýtast undir aðra menningartengda starfssemi Seltjarnarnesbæjar.
Safnstjóri Lækningaminjasafns Íslands er Anna Þorbjörg Þorgrímsdóttir.
Nesstofa
Seltjarnarnesbær í samvinnu við Þjóðminjasafnið sér um rekstur Nesstofu. Nesstofa er fyrsti íslenski landlæknisbústaðurinn, hlaðin úr tilhöggnu grjóti á árunum 1761-1763.
Nánari upplýsingar um Nesstofu veitir Anna Þorbjörg Þorgrímsdóttir safnstjóri Lækningaminjasafns Íslands í síma 5959 111 eða tölvupósti annath@seltjarnarnes.is
