Lækningaminjasafn Íslands
3. SEPTEMBER 2010 ÞESSI SÍÐA ER EKKI UPPFÆRÐ. UNNIÐ ER AÐ UPPSETNINGU NÝRRAR HEIMASÍÐU LÆKNINGAMINJASAFNS ÍSLANDS. NÝJA SÍÐAN VERÐUR FLJÓTLEGA AÐGENGILEG Á SLÓÐINNINI http://www.laekningaminjasafn.is/
Nesstofa og Lyfjafræðisafnið eru lokuð yfir vetrartímann.
Tekið á móti hópum samkvæmt samkomulagi. Nánari upplýsingar í síma 595 9100 og á netfanginu laekningaminjasafn@seltjarnarnes.is
Sýning í Nesstofu um niðurstöður fornleifarannsókna
Í Nesstofu stendur yfir sýning Saga og Framtíð. Fornleifarannsóknir á Vestursvæðum. Þar er hægt að fræðast um niðurstöður fornleifarannsókna undanfarinna ára. Skoða gripi sem hafa legið í jörðu í hundruð ára og ganga um leifar síðasta torfbæjarins í Nesi.
Margt að sjá og skoða
Vissir þú að bæjarhóllinn er ekki náttúrulegur heldur manngerður? Vissir þú að kirkja heilags Nikulásar stóð í Nesi í 600 ár? Hefurðu heyrt um hringina dularfullu í Nestúninu sem saman mynda eitt stærsta rústasvæði landsins frá landnámsöld? Viltu ganga á einu elsta timburgólfi landsins? Hefurðu hitt lóurnar í Nesi? Viltu læra að búa til pillur í Lyfjafræðisafninu?
Urtagarður
22. ágúst opnaði Urtagarður í Nesi. Í Urtagarðinum er hægt að skoða lækningaplöntur og fræðast um virkni þeirra. Nánari upplýsingar koma síðar
NESSTOFA
Nesstofa var byggð á árunum 1761 – 1767 sem embættisbústaður landlæknis. Hún er ein af elstu steinhúsum landsins og er hluti af húsasafni Þjóðminjasafns Íslands. Nesstofa sem er í umsjá Lækningaminjasafns mun opna í sumar eftir gagngerar endurbætur og á næstu tveimur árum verða byggðar þar upp sýning um líf og lækningar í Nesi á tímabilinu 1760 til 1834.
Gestum gefst kostur á að kynna sér byggingarsögu Nesstofu í samhengi við önnur steinhús í landinu. Athyglinni er einnig beint að viðgerðum á Nesstofu sem fóru fram í tveimur áföngum á vegum Þjóðminjasafns og Húsafriðunarnefndar og undir stjórn Þorsteins Gunnarssonar arkitekts. Lækningaminjasafn og Þjóðminjasafn hafa í sameiningu unnið leiðsögubækling um Nesstofu og er hægt að nálgast hann hér á íslensku og hér á ensku.
Nesstofa á Seltjarnarnesi (bæklingur á íslenskur) 
536 kb
Nesstofa on Seltjarnarnes (bæklingur á enskur) 532 kb
Einnig verður kynning á starfsemi Lækningaminjasafns Íslands og forsögu þess og á nýju safnhúsi sem nú er að rísa í Nesi eftir verðlaunateikningu Yrki arkitekta.
Boðið er upp á leiðsagnir fyrir hópa um Nesstofu. Nánari upplýsingar i síma 595 9100 eða á netfanginu laekningaminjasafn@seltjarnarnes.is
LÆKNINGAMINJASAFN ÍSLANDS Í NESI
Hlutverk Lækningaminjasafns Íslands er að varðveita og safna lækningaminjum og stuðla að rannsóknum og miðlun á heilbrigðissögu. Í sögu lækninga rennur saga vísinda og tækni saman við sögu þjóðar og þeirra lífskjara sem hún hefur búið við. Lækningaminjar varpa ljósi á þessa sögu og í sýningum Lækningaminjasafns verður gerð grein fyrir henni á fjölbreyttan hátt. Í fyllingu tímans mun starfsemi safnsins flytja í nýtt húsnæði sem verið er að reisa við hlið Nesstofu í Nesi við Seltjörn.
Lyfjafræðisafnið er einnig staðsett á safnasvæði Seltirninga í Nesi.
