Jóhannes Jóhannesson

Jóhannes Jóhannesson - Innan ferhyrnings

Jóhannes Jóhannesson, Innan ferhyrnings.

Ár: 1974.
Efni: olía á striga.
Stærð: 100 x 75 cm.
Staðsetning: á Bókasafni

Þetta málverk er hluti af gjöf sem Ingibjörg og Sverrir Sigurðsson afhentu Bókasafni Seltjarnarness árið 1985.

Jóhannes Jóhannesson (1921-1998) var einn af stofnendum Septem-hópsins og þróaðist list hans frá hlutbundnum verkum til strangflatarlegrar afstraksjónar. Í upphafi sjöunda áratugarins urðu myndir hans ljóðrænni og hring- og skeifulaga form æ meira áberandi á myndfletinum. Verkið sem hér um ræðir byggir einmitt á andstöðu hringforma í miðju verksins við beinar línur í útjaðri þess. Þetta mótvægi er undistrikað með ólíkum litaskölum, annars vegar eru bjartir, heitir litir í miðju og hins vegar dimmari, kaldir litir í útjaðri, en þessir myndhlutar eru aðskildir með lífrænu hringformi í ljósari tónum. Með þessum hætti skapar listamaðurinn hreyfingu og spennu í miðju verksins, það er eins og sá hluti sé lifandi og á iði meðan umgjörðin er fjarlæg og kyrrstæð.

Ásdís Ólafsdóttir



Senda grein

Þjónusta


Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: