Magnús Tómasson

Magnús Tómasson - Eyrabakki

Magnús Tómasson, Eyrarbakki.

Ár: 1963.
Efni: pastel.
Stærð: 18x24 cm.
Staðsetning: á Bæjarskrifstofum.

Þetta verk var keypt árið 1989 af Lista- og menningarsjóði Seltjarnarness.

Magnús Tómasson (f. 1943) er helst þekktur í dag fyrir að vera einn af stofnendum SÚM-hópsins, fyrir ljóðræna skúlptúra úr óhefðbundnum efnum, svo og fyrir öflug útilistaverk (sjá Amlóða vid Bakkavör). Það vill gleymast að í upphafi ferils síns málaði hann hlutbundnar myndir í olíu eða pastel. Ein þeirra er Eyrarbakki, gerð 1963, þegar Magnús var að hefja listnám í Kaupmannahöfn, rétt tvítugur að aldri. Í meðferð myndefnisins gætir áhrifa frá íslensku módernistunum, t.d. Gunnlaugs Schevings og Þorvaldar Skúlasonar, sér í lagi í bátnum sem er einfaldaður og séður ofan frá, að kúbískum hætti. Aftur á móti minnir mynduppbyggingin, gerð úr heilum, einföldum flötum og litanotkunin fremur á verk Nínu Tryggvadóttur frá sama tíma. Hér er um að ræða fallegt verk frá upphafi ferils listamannsins, þegar hann var enn nátengdur íslensku myndefni og listasögu, áður en hann varð einn af helstu merkisberum alþjóðlegra strauma hér á landi.

Ásdís Ólafsdóttir



Senda grein

Þjónusta


Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: