Menningarstefna Seltjarnarnesbæjar

Menningastefna Seltjarnarnesbæjar Pdf skjal 236 kb

HLUTVERK

Tilgangur menningarstefnu Seltjarnarness er að íbúar bæjarins fái notið menningar- og menningarstarfs. Leiðarljós stefnunnar er að efla áhuga, löngun og möguleika bæjarbúa til að njóta menningar.

MARKMIÐ

  • Menningarstarf verði veigamikill þáttur í bæjarlífinu árið um kring, efli bæjarbrag og ímynd Seltjarnarness út á við.
  • Listræn ásýnd bæjarins verði styrkt.
  • Markvisst verði unnið að listuppeldi barna og unglinga svo að menning og listsköpun verði sjálfsagður og eðlilegur þáttur í lífi þeirra.
  • Sérstæð náttúra Seltjarnarness verði að fremsta megni þætt saman við list og listsköpun.
  • Upplýsingar um menningu og menningarstarfsemi verði aðgengilegar og vel kynntar.
  • Starfsemi safna innan bæjarins verði aukin og þess gætt að þau hafi aðdráttarafl fyrir alla aldurshópa.
  • Umsjón listaverka í eigu bæjarins sé fagleg og viðhald þeirra reglubundið.

LEIÐIR

  • 3-4 daga menningarhátíð haldin annað hvert ár
  • Bæjarlistamaður Seltjarnarness útnefndur árlega.
  • Aðstaða til listsköpunar, listviðburða og listsýninga bætt samfara annarri uppbyggingu í bæjarfélaginu.
  • Listamenn búsettir á Seltjarnarnesi hvattir til að taka virkari þátt í samfélaginu s.s. með samstarfi við skóla bæjarins og aðrar stofnanir.
  • Skapaður vettvangur fyrir starfandi listamenn á Seltjarnarnesi til að kynna sig og verk sín.
  • Listræn og menningarleg sjónarmið verði sjálfsagður hluti af allri skipulagsvinnu bæjarins
  • Sögu, menningu og minjum bæjarins verði haldið á lofti á lifandi og framsækinn hátt
  • Bókasafnið sé öflug menningar- og upplýsingamiðstöð .
  • Stuðlað verði að þróunar- og frumkvöðlastarfsemi í tengslum við listmenntun barna og unglinga.
  • Ungu fólki verði gefinn kostur á að stunda listræna sköpun undir handleiðslu fagfólks.
  • Stuðlað verði að virku menningarsamstarfi milli allra aldurshópa.
  • Seltjarnarnes verði opið fyrir listrænu samstarfi við önnur bæjarfélög sem og listamenn búsetta utan sveitarfélagins.



Þjónusta


Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: