Nesstofa við Seltjörn

Nesstofa er fyrsti íslenski landlæknisbústaðurinn, hlaðin úr tilhöggnu grjóti á árunum 1761-1763 eftir teikningu danska hirðarkitektsins Jacob Fortling. Í Nesstofu hófst opinber lyfsala árið 1772 og þar starfaði einnig ljósmóðir.

Húsið komst í einkaeign þegar embættin tvö voru flutt til Reykjavíkur upp úr 1830 en hefur verið hluti af húsasafni Þjóðminjasafns Íslands frá 1979.

Í nóvember 2003 gerði Seltjarnarnesbær samning við Þjóðminjasafn Íslands um rekstur Nesstofu. Samkvæmt samningi bæjarins og Þjóðminjasafnsins skal Seltjarnarnesbær sjá um umsjón, viðhald og rekstur Nesstofu.

Unnið er að umfangsmiklum endurbótum á Nesstofu sem mun ljúka á árinu 2008. Frekari upplýsingar um Nesstofu veitir Anna Þorbjörg Þorgrímsdóttir safnstjóri Lækningaminjasafns Íslands í síma 595 9100 eða á netfanginu annath@seltjarnarnes.is