Menntun/skólar
Fræðslu og menningarsvið - Skólaskrifstofa nær yfir málefni grunnskóla, leikskóla og tónlistarskóla. Framkvæmdarstjóri er Óskar J. Sandholt.
Hér er hægt að lesa skólastefnu Seltjarnarness.
Leikskólar
Seltjarnarnesbær rekur tvo leikskóla, Mánabrekku og Sólbrekku. Í leikskólunum eru nemendur á aldrinum tveggja til sex ára og er miðað við að öll börn komist í leikskóla að hausti á því ári sem þau verða tveggja ára. Skólarnir eru opnir frá kl. 7:45 - 17:15 og boðið er upp á 4 - 8,5 klst. dvalartíma.
Vefur Mánabrekku sjá hér.
Vefur Sólbrekku sjá hér.
Grunnskóli - Vefur grunnskóla: www.grunnskoli.is
Á Seltjarnarnesi er rekinn einn heildstæður grunnskóli, Grunnskóli Seltjarnarness fyrir nemendur í 1.-10. bekk. Skólinn varð til við sameiningu Mýrarhúsaskóla og Valhúsaskóla 1. ágúst 2004. Skólastarf fer fram í báðum skólahúsunum og eru nemendur í 1.-6. bekk í húsi Mýrarhúsaskóla en nemendur í 7.-10. bekk í húsi Valhúsaskóla. Nemendur í grunnskólanum eru um 650. Skóladagurinn hefst kl. 8:10 en skóladagur nemenda er mislangur sbr. Aðalnámskrá grunnskóla. Mötuneyti eru starfrækt í báðum skólahúsunum.
Dagforeldrar
Dagforeldrar eru sjálfstætt starfandi. Skólanefnd Seltjarnarness veitir starfsleyfi til dagforeldra og sinnir lögbundnu eftirliti með starfseminni eins og kveðið er á um í reglugerð félagsmálaráðuneytisins nr.907 frá 2005.
Eftirfarandir aðilar hafa leyfi til daggæslu á Seltjarnarnesi.
Sjá yfirlit yfir aðila með leyfi til daggæslu.
Gæsluvöllur
Seltjarnarnesbær rekur gæsluvöll í nokkrar vikur á hverju sumri.
Gæsluvöllurinn er opinn á lóð leikskólanna Mánabrekku og Sólbrekku og er hann starfandi á meðan að leikskólarnir eru lokaðir vegna sumarleyfa.
Tónlistarskóli
Tónlistarskóli Seltjarnarness hóf starfsemi 1974. Nemendur skólans eru rúmlega 250. Við skólann er kennt á fjölbreytt hljóðfæri og einnig eru starfræktar lúðrasveitir og strengjasveit. Nánari upplýsingar eru á vef Tónlistarskólans http://www.tonvefur.is/selnes4/index.php
