Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Sumarnámskeið

Sumarnámskeið Seltjarnarnesbæjar, Nesklúbbsins og Gróttu sumarið 2021

Sumarstarfið verður með hefðbundu sniði og verður gott framboð af spennandi afþreyingu fyrir börn og ungmenni  á aldrinum 6 -18 ára á Seltjarnarnesi, líkt og undanfarin ár.

Innritun og greiðsla á eftirfarandi námskeið fer fram í gegnum https://www.sportabler.com/shop/grotta en upplýsingar um skráningu er hægt að nálgast á vef Gróttu, https://grotta.is/ eða í síma 561-1133 á milli kl 13:00 og 16:00 eða með því að senda tölvupóst á netfangið gullijons@grotta.is.

Opnað verður fyrir skráningu þriðjudaginn 4. maí. 

  • Leikjanámskeið (fyrir börn fædd 2014 og 2013)
  • Ævintýranámskeið (fyrir börn fædd 2012 og 2011)
  • Survivor-námskeið (fyrir börn fædd 2010 – 2008)
  • Smíðavöllur (fyrir börn fædd 2012 og eldri)



Leikjanámskeið

fyrir börn sem eru fædd árin 2014 og 2013

Á leikjanámskeiðunum verður efniviðurinn sóttur í nær umhverfið og börnin æfa sig í að umgangast dýr og menn á Seltjarnarnesinu. Börnin á námskeiðum munu fara í sundferðir og skoðunarferðir. Áhersla verður lögð á útileiki og skapandi vinnu með börnunum.

Öll námskeið sumarsins verða þematengd þannig mun hvert námskeið verða ólíkt því næsta. Skipulögð dagskrá er frá klukkan 9:00 - 16:00, en boðið er upp á viðveru frá klukkan 8:00 - 9:00 og 16:00 - 17:00. Sækja þarf sérstaklega um þá þjónustu. Þátttakendur þurfa að hafa með sér kjarngott nesti, sundföt, hlífðarfatnað og annan fatnað er hæfir veðri og viðburðum hverju sinni. 

Það eru vandaðir leiðbeinendur á námskeiðunum auk aðstoðarfólks frá vinnuskóla. 

Börn á leikjanámskeiði

Námskeiðin verða sem hér segir: 
11. júní - 18. júní           Síðasti dagur skráningar er 3. júní
21. júní - 02. júlí            Síðasti dagur skráningar er 14. júní.
5. júlí - 16. júlí               Síðasti dagur skráningar er 28. júní.
9. ágúst - 20. ágúst       ATH. Síðasti dagur skráningar er 15. júlí

Hægt er að velja heilan eða hálfan dag.  
Verð kr. 14.000 allur dagurinn (9:00-16:00, miðað við 10 daga).
Verð kr. 7.700 hálfur dagurinn  (9:00-12:00 eða 13:00-16:00, miðað við 10 daga). 

Mæting: Valhúsaskóla

Innritun og greiðsla á eftirfarandi námskeið fer fram í gegnum https://www.sportabler.com/shop/grotta  Upplýsingar um skráningu er hægt að nálgast á vef Gróttu, https://grotta.is/ eða í síma 561-1133 á milli kl 13:00 og 16:00 eða með því að senda tölvupóst á netfangið gullijons@grotta.is.

Opnað verður fyrir skráningu þriðjudaginn 4. maí. 


Ævintýranámskeið 

fyrir börn sem eru fædd árin 2012 og 2011

Á ævintýranámskeiðunum verður lögð áhersla á hópefli, leiki, útiveru og ævintýri. Börnin fá tækifæri til takast á við skapandi verkefni á borð við tónlist, leiklist og myndlist. Þátttakendur munu fara í vettvagnsferðir á áhugaverða staði og sundferðir sem svíkja engan.

Öll námskeið sumarsins verða þematengd þannig mun hvert námskeið verða ólíkt því næsta. Skipulögð dagskrá er frá klukkan 9:00 - 16:00, en boðið er upp á Viðveru frá klukkan 8:00 - 9:00 og 16:00 - 17:00. Sækja þarf sérstaklega um þá þjónustu. Þátttakendur þurfa að hafa með sér kjarngott nesti, sundföt, hlífðarfatnað og annan fatnað er hæfir veðri og viðburðum hverju sinni. 

Það eru vandaðir leiðbeinendur á námskeiðunum auk aðstoðarfólks frá vinnuskóla.

Börn á ævintýranámskeiði

Námskeiðin verða sem hér segir:  
11. júní - 18. júní           Síðasti dagur skráningar er 3. júní
21. júní - 02. júlí            Síðasti dagur skráningar er 14. júní
5. júlí - 16. júlí               Síðasti dagur skráningar er 28. júní
9. ágúst - 20. ágúst       ATH. Síðasti dagur skráningar er 15. júlí

Hægt er að velja heilan eða hálfan dag.  

Verð kr. 14.000 allur dagurinn (9:00-16:00 miðað við 10 dagar)
Verð kr. 7.700 hálfur dagurinn  (9:00-12:00 eða 13:00-16:00, miðað við 10 dagar)

Mæting: Félagsmiðstöðin Selið

Innritun og greiðsla á eftirfarandi námskeið fer fram í gegnum https://www.sportabler.com/shop/grotta  Upplýsingar um skráningu er hægt að nálgast á vef Gróttu https://grotta.is/ eða í síma 561-1133 á milli kl 13:00 og 16:00 eða með því að senda tölvupóst á netfangið gullijons@grotta.is.

Opnað verður fyrir skráningu þriðjudaginn 4. maí. 


Survivor–námskeið

Survivor-námskeið fyrir börn fædd 2010 – 2008 verður haldið á vegum Seltjarnarnesbæjar. 

Börn á Surviviornámskeiði

Survivor þema verður á námskeiðinu. Það verða búnir til tveir ættbálkar sem taka þátt í ýmsum þrautum.

Námskeiðin verða sem hér segir:
11. júní - 18. júní           Síðasti dagur skráningar er 3. júní
21. júní - 02. júlí            Síðasti dagur skráningar er 14. júní
5. júlí - 16. júlí               Síðasti dagur skráningar er 28. júní

Mæting: Frístundaheimlið Skjólið

Á námskeiðunum verður einnig farið í bátsferð, hjólreiðaferð, sund og íþróttir auk þess sem gist verður í tjaldi/skála yfir eina nótt.

Dagskrá námskeiðsins er frá klukkan 10:00-13:00 og þátttakendur þurfa að hafa með sér nesti og hlýjan fatnað.

Verð kr. 8.000 miðað við 10 daga.

Innritun og greiðsla á eftirfarandi námskeið fer fram í gegnum https://www.sportabler.com/shop/grotta  Upplýsingar um skráningu er hægt að nálgast á vef Gróttu, https://grotta.is/ eða í síma 561-1133 á milli kl 13:00 og 16:00 eða með því að senda tölvupóst á netfangið gullijons@grotta.is.

Opnað verður fyrir skráningu þriðjudaginn 4. maí. 

                                                                                                                                                                              

Smíðavöllur

SmíðavöllurÍ sumar verður starfræktur smíðavöllur á vegum bæjarins fyrir börn fædd 2012 og eldri. Völlurinn verður staðsettur við Valhúsaskóla og er starfræktur í  júní en völlurinn er opinn frá kl. 9:00 – 12:00 og 13:00 – 16:00 daglega. 

Smíðavöllurinn hefst fimmtudaginn 11. júní og er tímabilið til 2. júlí.

Verð kr. 8.000 

Mæting: Valhúsaskóli

Ath! Þátttakendur eru á eigin vegum og geta því komið og farið að vild.
Innifalið í verði er efniviður, naglar og verkfæri ásamt aðstoð frá leiðbeinanda.

Innritun og greiðsla á eftirfarandi námskeið fer fram í gegnum https://www.sportabler.com/shop/grotta. Upplýsingar um skráningu er hægt að nálgast á vef Gróttu, https://grotta.is/ eða í síma 561-1133 á milli kl 13:00 og 16:00 eða með því að senda tölvupóst á netfangið gullijons@grotta.is.

Opnað verður fyrir skráningu þriðjudaginn 4. maí. 



Knattspyrnuskóli

fyrir krakka fædda 2011 til 2015*

Allir eru velkomnir í Knattspyrnuskóla Gróttu, jafnt iðkendur sem hafa æft lengi sem og krakkar sem hafa áhuga á að prófa fótbolta í fyrsta skipti. Knattspyrnuskólinn hefur verið starfræktur samfellt frá árinu 1986 og hlotið gæðavottun KSÍ ár eftir ár. 

Knattspyrnuskoli

Knattspyrnuskólinn verður starfræktur á Vivaldivellinum við Suðurströnd frá 09:00 – 12:00 alla virka daga frá skólalokum til verslunarmannahelgar. Tekið er á móti börnunum frá 08:00 og verða börn fædd 2015 sótt í leikskólann og þeim fylgt til baka að námskeiði loknu. 

Skólastjóri knattspyrnuskólans verður Gabríel Hrannar Eyjólfsson, leikmaður meistaraflokks karla og þjálfari 6.fl. og 7.fl. karla ásamt góðu föruneyti þjálfara og unglinga. Lögð verður áhersla á að kenna fótbolta í gegnum skemmtilega leiki og æfingar og verður ýmislegt til gamans gert á öllum námskeiðunum.

Námskeið 1    11. júní - 18. júní          kr. 5.000

Námskeið 2    21. júní - 25. júní          kr. 5.000

Námskeið 3    28. júní - 2. júlí             kr. 5.000

Námskeið 4      5. júlí - 9. júlí              kr. 5.000

Námskeið 5    12. júlí - 16.júlí             kr. 5.000

Námskeið 6    19. júlí - 23. júlí            kr. 5.000

Námskeið 7    26. júlí - 30. júlí            kr. 5.000

* Börn fædd 2015 sótt í leikskólann

Athugið! Líkt og árið 2020 verða æfingar hjá 7. flokki beint á eftir knattspyrnuskólanum eða kl. 12:00. Krakkar sem eru á leikjanámskeiði eftir hádegi hafa tíma eftir æfingu til að koma sér á leikjanámskeiðið og tíma fyrir æfingu til að borða hádegismat. 

Skráning og greiðsla fer fram í gegnum https://www.sportabler.com/shop/grotta en upplýsingar um skráningu er hægt að nálgast á vef Gróttu, https://grotta.is/ eða í síma 561-1133 á milli kl 13:00 og 16:00 eða með því að senda tölvupóst á netfangið gullijons@grotta.is

Opnað verður fyrir skráningu þriðjudaginn 4. maí. 


Sumarnámskeið fyrir 4. og 5. flokk
fyrir krakka fædda 2007-2010

Knattspyrnudeild Gróttu mun bjóða upp á sumarnámskeið fyrir 4. og 5. flokk sem verða auglýst síðar. 



Handbolti

sumarnámskeið 2021

Handboltaskóli Gróttu

Handknattleiksdeild Gróttu verður, líkt og síðustu ár með öflugt sumarstarf fyrir börn og unglinga. 

HANDBOLTASKÓLI

Í sumar verður boðið upp á handboltaskóla í þrjár vikur, frá 3.–20. ágúst. Í handboltaskólanum, sem er fyrir börn fædd 2010-2015, verður börnum skipt eftir aldri til að koma til móts við þarfir hvers og eins. Farið verður í grunnatriði fyrir yngsta aldurshópinn og flóknari æfingar fyrir eldri hópa. 

Vandað verður til verka við val á þjálfurum og leiðbeinendum við skólann, líkt og undanfarin ár. Meðal þeirra sem koma að þjálfuninni eru leikmenn og þjálfarar handknattleiksdeildar. Umsjónarmaður námskeiðsins er Maksim Akbachev, yfirþjálfari handknattleiksdeildar. Byrjendur eru sérstaklega velkomnir á þessi námskeið.

Skólinn verður alla daga frá kl. 09:00 - 12:00, en boðið verður upp á gæslu frá kl. 08:00 og að skóla loknum til kl. 13:00.

Handboltaskólanum lýkur með grillveislu fyrir alla þátttakendur föstudaginn 20. ágúst.

Nemendur í Handboltaskóla Gróttu

Verð:
Vika 1 - kr. 5.200  (3. - 6. ágúst)
Vika 2 - kr. 6.500  (9. - 13. ágúst)
Vika 3 - kr. 6.500  (16. - 20. ágúst)

Ef allar vikur eru teknar kostar það kr. 16.000 kr og greiðsla fer fram í gegnum  sportabler.com/shop/grotta


AFREKSSKÓLI

Handknattleiksdeild Gróttu verður einnig með sérstakan afreksskóla en hann er starfræktur frá, 3. - 20. ágúst fyrir iðkendur sem verða í 5. og 4.flokki næsta vetur (f. 2006-2009). 

Æfingar fara fram á mánudögum, þriðjudögum, miðvikudögum og fimmtudögum kl. 12:30 - 14:00. Í afreksskólanum verður að miklu leyti farið í flóknari tækniatriði en í handboltaskólanum og meiri afrekshugsun í fyrirrúmi.

Nemendur í Handboltaskóla Gróttu

Verð:
Vika 1  - kr. 5.000  (3. - 6. ágúst)
Vika 2 -  kr. 5.000  (9.-13. ágúst)
Vika 3 -  kr. 5.000  (16. - 20. ágúst)

Ef allar vikurnar eru teknar þá kostar það 11.500 kr

Afreksskólanum lýkur með grillveislu fyrir alla þátttakendur föstudaginn 20. ágúst.

Skráning og greiðsla fer fram í gegnum https://www.sportabler.com/shop/grotta en upplýsingar um skráningu er hægt að nálgast á vef Gróttu,  eða í síma 561-1133 á milli kl 13:00 og 16:00 eða með því að senda tölvupóst á netfangið gullijons@grotta.is

Opnað verður fyrir skráningu 4. maí. 



Fimleika- og leikjaskóli Gróttu

sumarið 2021

Fimleikadeildin verður með fimleika- og leikjaskóla fyrir 6-9 ára krakka (f.2012-2015) í sumar.
Námskeiðin verða frá kl. 9:00 – 16:00 alla virka daga og standa yfir í viku í senn. Fyrir hádegi verður farið í fimleika frá kl. 09:00 – 12:00 með smá nestispásu kl. 10:30 og eftir hádegi verður farið í ýmsa leiki bæði úti og inni. Boðið verður upp á gæslu frá kl. 08:30 – 09:00.

leikjaskoli

Í fimleikunum verða börnunum skipt í hópa eftir aldri og færni í fimleikaæfingum. Börnin eiga að mæta á námskeiðið með fimleikafatnað með sér og klædd eftir veðri. Þau þurfa að hafa með sér kjarngott nesti yfir daginn.

Umsjón með námskeiðunum hefur Ólöf Línberg Kristjánsdóttir framkvæmdastjóri og þjálfari fimleikadeildarinnar.

Námskeiðin eru sem hér segir:
14. – 18. júní (4 dagar)
21. – 25. júní
28. júní – 2. júlí
5. – 9. júlí
12. – 16. júlí
3. – 6. ágúst (4 dagar)
9. – 13. ágúst
16. – 20. ágúst

Námskeiðsgjald fyrir hverja viku (5 daga allan daginn) er 17.000 kr.
Skráning og greiðsla fer fram í gegnum https://www.sportabler.com/shop/grotta.
Vinsamlega athugið að takmarkað pláss er á námskeiðunum. Jafnframt áskilur fimleikadeildin sér rétt til að fella niður námskeiðið náist ekki næg þátttaka.   

Opnað verður fyrir skráningu þriðjudaginn 4. maí

Sumarnámskeið í hópfimleikum

fyrir börn fædd 2008-2011
styrk

Fimleikadeildin verður með hópfimleikanámskeið fyrir iðkendur á aldrinum 10 – 13 ára í sumar.
Námskeiðin verða frá mánudegi til fimmtudags kl. 11:30-13:30.  
Lagt verður áhersla í undirstöðuatriðum í hópfimleikum og krakkarnir æfa sig í dansi, dýnustökkum og æfingum á trampólíni.

Námskeiðin verða sem hér segir:
14. – 16. júní (3 dagar)
21. – 24. júní
28. júní – 1. júlí
3. – 5. ágúst (3 dagar)
9. – 12. ágúst
16. – 19. ágúst

Námskeiðsgjald fyrir hverja viku (4 daga) er 6000 kr.
Skráning og greiðsla fer fram í gegnum https://www.sportabler.com/shop/grotta.

Vinsamlega athugið að takmarkað pláss er á námskeiðunum. Jafnframt áskilur fimleikadeildin sér rétt til að fella niður námskeiðið náist ekki næg þátttaka.  

Opnað verður fyrir skráningu þriðjudaginn 4. maí

Golfleikjanámskeið

Nesklúbburinn býður upp á golfleikjanámskeið fyrir börn og unglinga á aldrinum 8-14 ára, óháð því hvort að þau séu í klúbbnum eða ekki. Markmiðið með námskeiðunum er að kenna undirstöðuatriðin í golfleik, helstu golfreglur, framkomu og umgengni á golfvelli.

Æskilegt er að þeir krakkar sem eiga kylfur taki þær með sér og noti á námskeiðunum. Klúbburinn lánar þó kylfur fyrir þá sem ekki eiga án endurgjalds.

Hvert námskeið er í viku í senn.

Hámarksfjöldi á hvert námskeið eru 25 krakkar. 

Yfirumsjón með námskeiðunum er í höndum Magnúsar Mána Kjærnested og með honum eru sex leiðbeinendur á hverju námskeiði.

Golf

Námskeið 2021
Námskeið 1.  14.-18. júní kl. 09.00 - 12.00 (strákar og stelpur)*
Námskeið 2.  5.-9. júlí kl. 09.00 - 12.00 (strákar og stelpur)
Námskeið 3.  12.-16. júlí kl. 09.00 - 12.00 (strákar og stelpur)
Námskeið 4.  19.-22. júlí kl. 09.00 - 12.00 (strákar og stelpur)
Námskeið 5.  3.-6. ágúst (strákar og stelpur)
Námskeið 6.  9.-13. ágúst (strákar og stelpur)

Verð á fimm daga námskeið er kr.15.000.- pr. námskeið.

*Gjald fyrir fjögurra daga námskeið er kl. 12.000.- pr. námskeið.

Innifalið í gjaldinu er nestispakki sem inniheldur hvern dag:
Rúnstykki með skinku og osti, svali og ávextir.

Opnað verður fyrir skráningu á golfleikjanámskeið Nesklúbbsins miðvikudaginn 12. maí kl. 09.00 og fer skráningin fram í gegnum Sportabler https://www.sportabler.com/shop/nesklubburinn
 

Nánari upplýsingar á skrifstofu Nesklúbbsins í síma 561-1930 og á heimasíðu Nesklúbbsins.



Vinnuskólinn

Hjá Vinnuskóla Seltjarnarness sumarið 2021 eru unglingar 14-17 ára, fæddir árið 2004 til 2007.

Vinnan felst í umhirðu á gróðurbeðum bæjarins, málun leiktækja, slætti, gróðursetningu sumarblóma, aðstoð inn á stofnunum bæjarins, aðstoð við leikjanámskeið, aðstoð við sundnámskeið ofl.

Starfstími Vinnuskólans er 6 vikur, frá 14. júní til 22. júlí 2021.

Vinnuskóli

Vinnuskólinn er settur fimmtudaginn 10. júní n.k. í sal Valhúsaskóla kl. 11:00, hjá 14-16 ára en hjá 17 ára sama dag kl. 13:30 á Vallarbrautavelli. Vinnan sjálf hefst mánudaginn 14. júní.

Unglingar fæddir 2006 og 2007 fá vinnu við hreinsunar- og garðyrkjustörf 3,5 tíma á dag 4 daga í viku, mánudaga til fimmtudags.

  • Unglingar fæddir 2006 mæta 8:30 til 12:00
  • Unglingar fæddir 2007 mæta 13:00 til 16:30,
  • Unglingar fæddir 2004 og 2005 eiga kost á vinnu 7 tíma á dag 4 daga í viku frá 8:30 til 16:30.

Vinnuskólinn er reyklaus vinnustaður og er öll notkun tóbaks óheimil. Brot á þeirri reglu varðar brottrekstri.

Ráðningarvefur - Vinnuskóli 2021



Bókasafnið

Sumarlestur á Bókasafni Seltjarnarness 2021

Bókasafn

Bókasafn Seltjarnarness stendur fyrir lestrarátaki fyrir í sumar þar sem að öll börn á aldrinum 5-12 ára eru hvött til að taka þátt.

Sumarlestur stendur yfir frá 1. júní til 31. ágúst. Börn á Seltjarnarnesi fá lestrardagbók afhenta í skólanum en verða svo skráð til leiks þegar þau heimsækja bókasafnið. Að auki geta öll börn sótt sér lestradagbók hvenær sem er á bókasafnið og byrjað sumarlesturinn. Við hverja heimsókn í safnið fá börnin stimpil í lestrardagbókina sína. Lestrardagbókin heldur utan um heildarlestur sumarsins.

LestrarHAPPAmiði
Hægt er að fylla út og skila inn lestrarmiða á bókasafninu fyrir hverja lesna bók. Úr þeim miðum verður dregið alla föstudaga og hljóta heppnir þátttakendur vinninga.

Þátttakendur skila inn lestrardagbókum sínum í lok sumars, fyrir 31. ágúst.
Uppskeruhátíð sumarlesturs verður haldin í september og fá allir skráðir þátttakendur viðurkenningu. Öll börn eru velkomin á uppskeruhátíðina þar sem verður bæði gleði og gaman!

Afgreiðslutími bókasafnsins er mánudaga til fimmtudaga kl. 10:00-18:30 og föstudaga kl. 10:00 - 17:00. Lokað á laugardögum í sumar. Eiðistorg  2. hæð. Sími 5959170

Heimasíða: www.seltjarnarnes.is/bokasafn




Þjónusta


Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: