Bakkahverfi
Kæru Seltirningar
Hafin er vinna við gerð deiliskipulags Bakkahverfis. Skipulagssvæðið afmarkast af Hæðarbraut, Valhúsabraut, Bakkavör, Suðurströnd og Lindarbraut eins og sýnt er á meðfylgjandi uppdrætti.
Með deiliskipulaginu verður stefnt að því að fá heildræna mynd af hverfinu, svo standa megi markvisst að þróun þess til framtíðar og auðvelda ákvarðanir í einstökum málum. Deiliskipulagið verður unnið innan ramma Aðalskipulags Seltjarnarness 2004-2024.
Markmið:
- Markmið skipulagsins er að móta heilstætt deiliskipulag og samræma yfirbragð hverfisins.
- Vinnan byggir á þeirri sýn sem sett er fram í Aðalskipulagi Seltjarnarness 2006-2024.
- Skoða möguleika til eðlilegrar endurnýjunar bygginga á svæðinu með hliðsjón af heildaryfirbragði hverfisins.
- Fá fram og gera grein fyrir skipulagsskyldum viðbótum, stækkunum og breytingum húsa og lóða.
- Afmarka byggingarreiti og setja fram skilmála og kvaðir.
- Staðfesta byggðaform hverfisins enda er það nánast fullbyggt.
Forsögn fyrir Bakkahverfi 
600 kb
Auglýsing um deiliskipulag á Seltjarnarnesi
Bæjarstjórn Seltjarnarness auglýsir hér með tillögu að deiliskipulagi Bakkahverfis á Seltjarnarnesi skv. 25 gr. skipulags- og byggingarlaga nr. 73/1997 með síðari breytingum.
Svæðið sem deiliskipulagið á að gilda fyrir afmarkast af Hæðarbraut, Valhúsabraut, Bakkavör, Suðurströnd og Lindarbraut eins og sýnt er á deiliskipulagsuppdrætti. Svæðið er nefnt Bakkahverfi eftir bænum Bakka enda margar lóðir hverfisins fengnar úr landi Bakka.
Tilllaga verður til sýnis á bæjarskrifstofum Austurströnd 2 og á Bókasafni Seltjarnarness við Eiðistorg frá og með mánudeginum 28. september til miðvikudagsins 28. október 2009.
Þeim sem telja sig eiga hagsmuna að gæta er gefinn kostur á að gera athugasemdir við tillögurnar. Skriflegum athugasemdum, ef einhverjar eru, skal skilað á bæjarskrifstofu Seltjarnarness, Austurströnd 2, eigi síðar en 12. nóvember 2009. Hver sá sem ekki gerir athugasemd við tillögurnar fyrir tilskilinn frest telst samþykkur þeim.
Ólafur Melsted
Skipulagsstjóri Seltjarnarness
Auglýsing að deiliskipulagi: Bakkahverfi 158 kb.
Bakkahverfi: Tillaga að deilskipulagi 
1,6 mb.
Bakkahverfi. Tillaga að deilskipulagi - skýringauppdráttur 1,4 mb.
Bakkahverfi. Tillaga að deilskipulagi - skýringauppdráttur 1,2 mb.
Bakkahverfi. Tillaga að deilskipulagi - húsakönnun 2,4 mb.
