Fréttir af skipulagsmálum

Grenndarkynning umsóknar um breytingu á deiliskipulagi Lambastaðahverfis, stækkun á byggingarreit til vesturs við Tjarnarstíg 11.

16.12.2020

tjarnarstigur11


Á 108. fundi skipulags- og umferðarnefndar sem haldinn var 19. nóvember 2020 var tekin fyrir umsókn um breytingu á deiliskipulagi Lambastaðahverfis vegna Tjarnarstígs 11 og samþykkt að tillaga dags. 18.11.2020 yrði grenndarkynnt, skv. 2. mgr. 43. gr. skipulagslaga nr. 123/2010, fyrir lóðarhöfum á Tjarnarstíg 7, 8, 9, 12, 13, 15, 16 og 18. Bæjarstjórn samþykkti samhljóða afgreiðslu skipulags- og umferðarnefndar á 919. fundi sínum þann 25. nóvember 2020.

Með vísan til ofangreindrar bókunar og staðfestingar bæjarstjórnar er erindið grenndarkynnt skv. 2. mgr. 43. og 44. gr. skipulagslaga nr. 123/2010. Um er að ræða breytingu á deiliskipulagi Lambastaðahverfis sem felur í sér stækkun á byggingarreit til vesturs við Tjarnarstíg 11. Deiliskipulagsbreytingunni er nánar lýst á meðfylgjandi uppdrætti, dags. 7. desember 2020, útgáfa 3 (útg. 2 er dags. 18.11.2020).

Breyting á deiliskipulagi Lambastaðahverfis á Seltjarnarnesi vegna Tjarnarstígs 11

Þeir sem telja sig eiga hagsmuna að gæta er hér með gefinn kostur á að gera athugasemdir við breytinguna. Athugasemdum skal skila skriflega til þjónustuvers Seltjarnarnesbæjar að Austurströnd 2, Seltjarnarnesi eða á netfangið postur@seltjarnarnes.is, eigi síðar en 18. janúar 2021. Að liðnum þeim fresti tekur skipulags- og umferðarnefnd afstöðu til þeirra athugasemda sem fram kunna að koma. Nánari upplýsingar veitir skipulags- og byggingarfulltrúi Seltjarnarnesbæjar. 



Þjónusta


Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: