Fréttir af skipulagsmálum

Tillaga til kynningar á vinnslustigi um breytingu á Aðalskipulagi Seltjarnarnesbæjar 2015-2033 vegna byggingar leikskóla við Suðurströnd.

22.1.2021

Bæjarstjórn Seltjarnarnesbæjar samþykkti á 922. fundi sínum þann 13. janúar 2021 að kynna tillögu á vinnslustigi um breytingu á Aðalskipulagi Seltjarnarnesbæjar 2015-2033, vegna byggingar leikskóla við Suðurströnd, sbr. 2. mgr. 30. gr. skipulagslaga nr. 123/2010. 

Lýsing vegna breytingar á aðalskipulagi og fyrir gerð deiliskipulags var kynnt almenningi og umsagnaraðilum í byrjun nóvember. Lýsingin var kynnt á vef sveitarfélagsins og send umsagnaraðilum. 

Tillaga þessi um breytingu á aðalskipulagi er nú kynnt á vinnslustigi og gefst færi á að koma með ábendingar um efni tillögunnar. Tillagan varðar skipulagsákvæði fyrir reit S-3.

Leikskóli við Suðurströnd - Tillaga til kynningar á vinnslustigi um breytingu á Aðalskipulagi Seltjarnarnesbæjar 2015-2033 sbr. 2. mgr. 30. gr. skipulagslaga nr. 123/2010.

Öllum þeim sem vilja koma ábendingum á framfæri vegna tillögunnar er boðið að senda þær skriflega á bæjarskrifstofu Seltjarnarnesbæjar, Austurströnd 2, 170 Seltjarnarnesi eða í tölvupósti til postur@seltjarnarnes.is, í síðasta lagi 21. febrúar 2021. Nánari upplýsingar veitir sviðsstjóri skipulags- og umhverfissviðs, símatímar eru mánudaga, miðvikudaga og föstudaga, kl. 11:00 - 12:00 í síma 595-9100.


Þjónusta


Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: