Fréttir af skipulagsmálum

Auglýsing um deiliskipulag á Seltjarnarnesi

1.10.2006

Bæjarstjórn Seltjarnarness auglýsir hér með tillögu að deiliskipulagi skóla- og íþróttasvæða skv. 25. gr. skipulags- og byggingarlaga nr. 73/1997 með síðari breytingum.

Afmörkun

Skipulagssvæðið afmarkast á eftirfarandi hátt:

  • Til suðurs af Suðurströnd frá opnu svæði við Bakkavör að lóðarmörkum íþróttamiðstöðvar og Hrólfsskálamels, og áfram eftir syðri lóðarmörkum íbúða aldraðra og skólalóðar Mýrarhúsaskóla til austurs að Nesvegi.
  • Til austurs af eystri mörkum lóðar íþróttamiðstöðvar og af Nesvegi frá Hrólfsskálamel að Kirkjubraut.
  • Til norðurs af Kirkjubraut að Skólabraut og síðan meðfram henni að eystri og nyrðri mörkum skólalóðar Valhúsaskóla.
  • Til vesturs af eystri mörkum opins svæðis við Bakkavör.

Landnotkun

Skipulagssvæðið er skilgreint sem svæði fyrir þjónustustofnanir skv. aðalskipulagi, en þó er vestasti hluti þess skilgreindur sem opið svæði til sérstakra nota (íþróttasvæði). Bróðurpartur allrar opinberrar þjónustu bæjarins er staðsettur innan þess, þ.e. grunnskóli, tónlistarskóli, heilsugæslustöð, íþróttamiðstöð, félagsmiðstöð og félagsheimili. Innan svæðisins eru einnig íbúðir fyrir aldraðra, tvö íbúðarhús og söluturn. Skilgreindar lóðarstærðir á skipulagssvæðinu eru samtals 69.782m2.

Tillagan verður til sýnis á bókasafni Seltjarnarness, Eiðistorgi 11, 2.hæð frá 29. september til og með 30. október 2006. Einnig má sjá tillöguna á heimasíðu bæjarfélagsins, www.seltjarnarnes.is/skipulagsmal/

Þeim sem telja sig eiga hagsmuna að gæta er gefinn kostur á að gera athugasemdir við tillöguna. Skriflegum athugasemdum ef einhverjar eru skal skilað á bæjarskrifstofu Seltjarnarness, Austurströnd 2, eigi síðar en 14. nóvember 2006.

Þeir sem ekki gera athugasemdir innan tilskilins frests, teljast samþykkja tillöguna.

Auglýsing um deiliskipulag skóla og íþróttasvæða Pdf skjal 56 kb.

Tillaga að deiliskipulagi skóla og íþróttasvæða. (Teikning) Pdf skjal 1,55 mb

 

Skipulagsfulltrúinn á Seltjarnarnesi




Þjónusta


Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: