Fréttir af skipulagsmálum

Auglýsing um deiliskipulag á Seltjarnarnesi

14.11.2016

Í samræmi við 41-43. gr. skipulagslaga nr. 123/2010 er hér með auglýst tillaga að nýju deiliskipulagi á Seltjarnarnesi.

Vestursvæði
Bæjarstjórn Seltjarnarness samþykkti þann 9. nóvember 2016 að auglýsa tillögu að nýju deiliskipulagi Vestursvæðis á Seltjarnarnesi, sem nær yfir nokkur eldri deiliskipulagssvæði vegna Lækningaminjasafns, vestan íbúabyggðar, Suðurnes, Gróttu, Safnatröð og svo til viðbótar íbúðagöturnar, Sefgarðar, Sævargarðar, Neströð, Nesbala og húsin við Lindabraut vestan götu ásamt öllum strandsvæðum. Gerð er tillaga um uppbyggingu á nokkrum lóðum. Deiliskipulagssvæðið umlykur deiliskipulag íbúðasvæðisins í Bygggörðum sem ekki er hluti deiliskipulags Vestursvæðis.

Tillaga að nýju deiliskipulagi Vestursvæða, sem hér er auglýst, er í samræmi við tillögu að endurskoðuðu aðalskipulagi með gildistíma 2015-2033, sem auglýst var laugardaginn 5. nóvember í samræmi við 31. gr. skipulagslaga nr. 123/2010. Nánar um tillöguna vísast til kynningargagna.

Tillagan liggur frammi á 1. hæð skrifstofu Seltjarnarnesbæjar að Austurströnd 2 virka daga kl. 8:00 -14:00 frá 14. nóvember 2016 til 31. desember 2016. Einnig má sjá tillöguna á heimasíðunni, www.seltjarnarnes.is undir liðnum skipulagsmál.

Eru þeir sem telja sig eiga hagsmuna að gæta hvattir til að kynna sér tillöguna. Ábendingar og athugasemdir við tillöguna skal skila skriflega til Þjónustuvers Seltjarnarnarnesbæjar merkt, b.t. byggingarfulltrúa, eða á netfangið postur@seltjarnarnes.is eigi síðar en 31. desember 2016. Vinsamlegast notið uppgefið netfang fyrir innsendar athugasemdir með tölvupósti.

Seltjarnarnesi, 10. nóvember 2016.
Ásgerður Halldórsdóttir bæjarstjóri.


Tillaga að deiluskipulagi Vestursvæða - deiliskipulagsuppdráttur

Tillaga að deiluskipulagi Vestursvæða - greinargerð

Tillaga að deiluskipulagi Vestursvæða - íbúabyggð

Tillaga að deiluskipulagi Vestursvæða - golfvöllur

Tillaga að deiluskipulagi Vestursvæða - hjúkrunarheimili


Þjónusta


Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: