Stóra rithöfundakvöldið verður haldið þriðjudaginn 25. nóvember þar sem fjórir rithöfundar lesa upp úr og ræða um nýjar bækur sínar frá kl. 20-22 á Bókasafni Seltjarnarness.
- Ingibjörg Iða Auðunardóttir stýrir umræðum og rithöfundarnir sem fram munu koma eru:
- Anna Rós Árnadóttir með ljóðabók sína Fyrir vísindin
- Dagur Hjartarson með skáldsögu sína Frumbyrjur
- Kristín Svava Tómasdóttir með Fröken Dúlla – Ævisaga Jóhönnu Knudsen
- Stefán Máni með Hin Helga Kvöl.
Tríó Helgu Laufeyjar flytur lifandi tónlist frá kl. 19:30 og í hléi
Í tilefni Menningarhátíð Seltjarnarness sem stendur yfir allan nóvembermánuð verður boðið upp á lifandi tónlist með Tríó Helgu Laufeyjar áður en að dagskrá rithöfundakvöldsins hefst og í hlé. Tónlistarmennirnir Helga Laufey Finnbogadóttir (píanó), Guðjón Steinar Þorláksson (kontrabassi) og Jón Óskar Jónsson (trommur), hafa starfað saman um árabil og munu að þessu sinni leika rólegan jass í bland við íslenskar dæguperlur og jólalög. Þau hafa öll langa reynslu sem tónlistarmenn, tekið þátt í tónleikahaldi innanlands sem utan og starfa sem tónlistarkennarar í Tónlistarskóla Seltjarnarness meðfram öðrum tónlistarverkefnum.
Á rithöfundakvöldinu verður boðið upp á jólalegar veitingar m.a. óáfengt jólaglögg, smákökur og konfekt.
Ókeypis aðgangur og allir velkomnir.