Fjölmenni á opnu húsi og fjáröflunardegi í Valhúsaskóla
Fimmtudaginn 4. júní var opið hús og fjáröflunardagur í Valhúsaskóla frá kl. 15–17 þar sem sannkölluð Carnival-stemning ríkti. Fjöldi gesta lagði leið sína í skólann og naut dagsins með nemendum og starfsfólki.
Nemendur seldu eigin verk, boðið var upp á leiki, mat og fjölbreytta afþreyingu. Einnig fór fram uppboð á fótboltatreyjum atvinnumannanna, Orra Steins Óskarssonar og Benonýjar Breka Andréssonar.
Á bókasafni skólans gátu gestir skoðað hugmyndir nemenda að endurbótum á skólalóðinni. Ágóði dagsins mun renna til endurbóta á skólalóðinni og betri aðstöðu fyrir nemendur.
Kærar þakkir til allra sem komu og studdu við verkefnið.
