Nemendur í 8. bekk fræða miðstigið um netöryggi
Fyrr á árinu hófu allir nemendur í 8. bekk vinnu við jafningjafræðsluverkefni þar sem áhersla er lögð á netöryggi, réttindi og vellíðan á netinu. Verkefnið er þróunarverkefni sem skólinn hefur unnið að undanfarin ár í samstarfi við Heimili og skóla. Markmið verkefnisins er að nemendur í 8.bekk fræði aðra nemendur á jafningjagrundvelli um mikilvæga þætti nethegðunar og ábyrgra samskipta á netinu.
Allir nemendur í 8. bekk eiga mikið hrós skilið fyrir metnað, samvinnu og vel unnin verkefni. Sérstakar þakkir fá þeir nemendur sem voru valdir til að sinna sjálfri jafningjafræðslunni fyrir miðstigið. Í síðustu viku luku þau þeirri fræðslu með glæsibrag og í dag fengu þau afhent viðurkenningarskjöl og verðlaunuð með bakarísveislu fyrir frábært starf.
Við erum afar stolt af þessum duglegu, jákvæðu og ábyrgðarfullu nemendum.
. 