Fréttir

Aðfaranótt sunnudagsins 19. mars nk. verður eitrað fyrir skjaldlús í gróðrinum á Eiðistorgi og verður svæðið lokað frá 01:00-10:00. Fólk er beðið um að snerta ekki plönturnar fyrstu daganna á meðan eitrið er virkt auk þess sem neysla á plöntunum, laufblöðum þeirra eða ávöxtum getur verið hættuleg fyrstu dagana eftir eitrun.

Deiliskipulag Suðurstrandar og Hrólfsskálamels, tillaga að breytingu á deiliskipulagi vegna Skólabrautar 1

Ása Kristín Einarsdóttir hefur verið ráðin sem verkefnastjóri frístunda- og forvarnastarfs hjá Seltjarnarnesbæ en um er að ræða nýtt starf hjá bænum og snýr að forvarnarstarfi fyrir alla aldurshópa sem og þátttöku í starfsemi félagsmiðstöðvar og ungmennahúss.

Í boði eru fjölbreytt sumarstörf hjá Seltjarnarnesbæ fyrir ungmenni 18 ára og eldri sumarið 2023. Áhugasamir eru hvattir til að sækja um. Umsóknarfrestur er til og með 13. mars nk.

Boðað hefur verið til bæjarstjórnarfundar í bæjarstjórnarsalnum að Austurströnd 2 miðvikudaginn 8. mars kl. 17:00

Íbúar við Hofgarða og Melabraut 40-44 vinsamlegast athugið! Mánudaginn 6. mars verður lokað fyrir heita vatnið frá kl. 9 og fram eftir degi vegna viðgerða. Lokunin nær til eftirfarandi húsa: Hofgarðar (öll hús) og Melabraut 40-44 Beðist er velvirðingar á þeim óþægindum sem þetta kann að valda. Hitaveita Seltjarnarness

Íbúar við Miðbraut 2-8 vinsamlegast athugið! Í dag, fimmtudaginn 23. febrúar verður lokað fyrir heita vatnið frá kl. 10 og fram eftir degi vegna viðgerða. Beðist er velvirðingar á þeim óþægindum sem þetta kann að valda. Hitaveita Seltjarnarness

Á bæjarskrifstofunni er að sjálfsögðu tekið á móti skrautlegum söngfuglum sem hafa sungið fyrir nammi hjá okkur í dag. Haldin er sérstök skrá yfir lögin sem sungin eru og er Gulur, rauður, grænn og blár með afgerandi forystu. Allúetta fylgir fast á eftir auk þess sem við höfum fengið að heyra flutning á frumsömdu lagi, Benedikt búálfi, Svampi Sveinssyni, Dórulagi, Búddi fór í bæinn, Sveppi hann er heitur og Góðan dag frá hinum ýmsu furðuverum !

Seltjarnarnesbær hefur gengið frá samningi um fullnaðarhönnun á nýjum leikskóla „Undrabrekku“ við Andrúm arkitekta. Þór Sigurgeirsson bæjarstjóri og Kristján Garðarsson arkitekt undirrituðu samninginn vettvangi fyrirhugaðra framkvæmda fyrir helgina að viðstöddum miklum fjölda leikskólabarna og starfsfólki.

Kynningarfundurinn verður í Hátíðarsal Gróttu á mánudaginn og eru allir áhugasamir hvattir til að mæta en nú verður tekinn inn nýr hópur í þessa vinsælu og fjölþættu heilsueflingu fyrir 65+ á Seltjarnarnesi.

Vegna útfarar Antons Sigurðssonar pípulagningameistara Seltjarnarnesbæjar verður lokað í Þjónustumiðstöðinni frá kl. 10-14 í dag mánudaginn 13. febrúar.

Í tilefni dagsins var starfsfólki bæjarins boðið í heimsókn til að upplifa hefðbundið starf leikskólans. Bæjarstjóri fékk alveg sérstakt og einstaklega fallegt boðskort og lét hann boðið auðvitað ekki framhjá sér fara heldur heimsótti allar deildir eins og fleiri starfsmenn bæjarins.