09.02.2024
Skemmtileg og fjölmenn Safnanótt
Það var svo sannarlega líf og fjör og mikið fjölmenni á skemmtilegri Safnanótt á Bókasafni Seltjarnarness nýverið. Stórir sem smáir undu sér hið besta enda dagskráin fjölbreytt, margt að skoða og gera. Allir sem vildu fengu pylsur, frostpinna og að sjálfsögðu skrautlegar blöðrur. Bingóið vakti lukku að vanda og fóru margir heim með góða vinninga. Takk fyrir komuna!
08.02.2024
Góð stemning á Sundlauganótt
það var gleði og góð stemning í síðustu viku þegar að börn og ungmenni veltust um Sundlaug Seltjarnarness í vatnaboltum og skemmtu sér hið besta. Kveikt var á kyndlum allt í kringum sundlaugina og naut fólks þess að slaka á við mystíkina í gufunni.
02.02.2024
Safnanótt á bókasafninu í dag föstudag kl. 16-19
Minnum á stórskemmtilega Safnanótt í dag þar sem nóg verður um að vera fyrir alla fjölskylduna - viðburðir, veitingar og endum kvöldið á bingói með fjölda vinninga m.a. frá Ráðagerði, Örnu ís, Nesklúbbnum, Rauða Ljóninu, Björnsbakarí o.fl. Allir velkomnir!
02.02.2024
979. Bæjarstjórnarfundur 7. febrúar dagskrá
Boðað hefur verið til 979. bæjarstjórnarfundar kl. 17:00 miðvikudaginn 7. febrúar 2024 í bæjarstjórnarsalnum að Austurströnd 2.
01.02.2024
Vetrarhátíð á Seltjarnarnesi, Safnanótt & Sundlauganótt
Vetrarhátíð hófst í dag - norðurljósagrænn litur lýsir upp Gróttuvita og kirkjuþakið, stemning á Sundlauganótt í kvöld og á morgun verður fjörug dagskrá á Safnanótt bókasafnsins. Ókeypis aðgangur og allir velkomnir!
01.02.2024
Frábær febrúar framundan á bókasafninu
Allir velkomnir að njóta fjölbreyttra viðburða til viðbótar við bækur, tímarit og almenn notalegheit á safninu okkar.
19.01.2024
978. Bæjarstjórnarfundur 24. janúar dagskrá
Boðað hefur verið til 978. bæjarstjórnarfundar kl. 17:00 miðvikudaginn 24. janúar 2024 í bæjarstjórnarsalnum að Austurströnd 2.
18.01.2024
Innritun 6 ára barna fyrir skólaárið 2024-2025
Dagana 22.-26. janúar stendur yfir innritun í Grunnskóla Seltjarnarness fyrir börn fædd árið 2018 eiga að hefja skólagöngu sína í haust.
17.01.2024
Nýr verkefnastjóri umhverfismála
Helga Hvanndal Björnsdóttir hefur verið ráðin sem verkefnastjóri umhverfismála hjá Seltjarnarnesbæ. Starfið felur m.a. í sér umsjón með fegrun og ásýnd sveitarfélagsins, hvers kyns náttúru- og umhverfismálum, yfirumsjón með vinnuskólanum, endurvinnslu- og úrgangsmálum sem og ýmsum stefnumarkandi verkefnum og fræðslu.
17.01.2024
Álagning fasteignagjalda 2024
Álagningarseðlar fasteignagjalda fyrir árið 2024 hafa verið gefnir út og eru aðgengilegir á rafrænu formi fyrir íbúa á mínar síður.
05.01.2024
Starfsmaður í Frístund óskast - hlutastarf
Frístundaheimilið Skjólið óskar eftir starfsfólki, 18 ára og eldri. Um er að ræða hlustastarf með börnum að skóla loknum, tvo til fimm eftirmiðdaga í viku (frá kl. 13:00-16:30).
Góð íslensku kunnátta og hreint sakavottorð skilyrði. Umsóknarfrestur er til og með 15. janúar nk.
01.01.2024
Gámur fyrir notaða flugelda á Eiðistorgi
Bæjarbúum býðst að henda umbúðum af notuðum flugeldum í sérstakan gám sem komið hefur verið upp á Eiðistorgi en alls óheimilt er að henda slíku rusli í hefðbundnar pappatunnur eða gáma. Sorpa tekur einnig á móti notuðum flugeldaumbúðum. Hjálpumst að við að snyrta bæinn okkar hið fyrsta svo ruslið verði ekki fjúkandi um fram á vor. Gleðilegt nýtt ár 2024 🙂