Fimmtudaginn 25. október 2012, kl. 08:00 kom F & L saman til fundar á bæjarskrifstofunum.
Mættir: Guðmundur Magnússon, Bjarni Torfi Álfþórsson og Árni Einarsson.
Áheyrnarfulltrúi: Sigurþóra Steinunn Bergsdóttir.
Ennfremur sat fundinn Ásgerður Halldórsdóttir, bæjarstjóri og Gunnar Lúðvíksson
fjármálastjóri, sem ritaði fundargerð í tölvu.
Gestir undir lið 1 voru: Lárus B. Lárusson formaður ÍTS, Hildur Aðalsteinsdóttir formaður
Fimleikadeildar Gróttu, Páll Gunnlaugsson arkitekt, Haukur Geirmundsson
íþróttafulltrúi. Sigrún Edda Jónsdóttir bæjarfulltrúi, Haraldur Eyvinds formaður
Íþróttafélagsins Gróttu
Gestur undir lið 2 var: Birgir Finnsson varaslökkviðsstjóri
Fyrir var tekið:
-
Málsnúmer 2012100076
Fimleikahús, Íþróttamiðstöð Seltjarnarness.
LBL formaður ÍTS upplýsti um störf undirbúningsnefndar sl. misseri og framtíðarsýn ÍTS varðandi uppbyggingu íþróttamannvirkja. HA ræddi stöðu deildarinnar í dag, fjölda iðkenda og framtíðarsýn. PG arkitekt fór yfir þá vinnu sem unnin hefur verið og kynnti útfærslu á stækkun salarins og kostnaðaráætlun. HG íþróttafulltrúi fór í gegnum ýmsa þætti varðandi þessa stækkun og iðkendafjöld í húsunum.
F&L vill þakka gestum fyrir greinargóða yfirferð yfir málið og frestar frekari umræðum til næsta fundar en mun fara í heimsókn og skoða núverandi aðstöðu fimleikadeildar Gróttu í næstu viku.
-
Málsnúmer 2012100077.
Sjúkraflutningar á höfuðborgarsvæðinu.
Á fundinn mætti Birgir Finnsson, varaslökkviliðsstjóri og fór í gegnum skýrslu sem KPMG vann fyrir aðila SHS og Velferðarráðuneytið varðandi sjúkraflutninga. Lagt var fram minnisblað slökkviliðsstjóra á úttekt óháðs aðila KPMG á skiptingu kostnaðar milli slökkvistarfsemi og sjúkraflutninga í samrekstri SHS. F&L þakkar BF fyrir góða kynningu á þessu mikilvæga máli.
Bókun: Fjárhags- og launanefnd Seltjarnarness hefur verulegar áhyggjur af því að ekki skuli vera komnir á samningar milli aðila. Fram koma í skýrslunni samlegðaráhrif fyrir báða aðila. Því er beggja hagur að það fyrirkomulag sem nú er, haldi áfram og hvetur nefndin ríkið til að ganga að samningum í þeim anda sem fram kemur í skýrslunni frá KPMG sem allra fyrst.
-
Málsnúmer 2012100044.
Lækningaminjasafn.
Bæjarstjóri lagði fram skýrslu unna af Hjalta Gylfasyni hjá Mannverk ráðgjöf ehf. varðandi tillögur til lækkunar á framkvæmdakostnaði.
- Fjárstreymisyfirlit.
Fjárstreymisyfirlit fyrir 1.1.2012-30.09.2012.
Fjármálastjóri lagði fram útkomuspá fyrir árið 2012 miðað við fyrstu níu mánuði ársins. - Málsnúmer 2012100076.
Starfs- og fjárhagsáætlun SHS fyrir árið 2013.
Lögð fram. - Málsnúmer 2012100067.
Svæðisskipulag höfuðborgarsvæðis.
Erindi frá SSH varðandi tillögu að verk-, tíma- og kostnaðaráætlunar vegna endurskoðunar svæðisskipulags höfuðborgarsvæðisins á árinu 2013. Hlutur Seltjarnarness er kr. 580. þús.
Vísað til fjárhagsáætlunargerðar fyrir árið 2013. - Málsnúmer 2012100074.
Bréf Neytendasamtakanna um styrk fyrir árið 2013, dags. 19.10.2012
Samþykkt kr. 50.000.-. - Málsnúmer 2012100056.
Bréf Samtaka áhugafólks um áfengis- og vímuefnavanda um styrk vegna átaksins „Betra líf“, dags. 18.10.2012
Lagt fram.
-
Fleira ekki gert, fundarbókun upp lesin og samþykkt.
Fundi slitið kl. 09:45.