153. fundur menningarnefndar Seltjarnarness haldinn í fundarsal á Bæjarskrifstofu Seltjarnarness þriðjudaginn 6. desember 2021 kl. 16.00
Mættir: Guðrún Jónsdottir, Guðni Sigurðsson, Þórdís Sigurðardóttir, Stefanía Helga Sigurðardóttir og Margrét H. Gústavsdóttir.
María Björk Óskarsdóttir ritaði fundargerð.
Dagskrá:
- Málsnúmer 2021100076 - Bæjarlistamaður Seltjarnarness 2022
Farið var yfir umsóknir og tilnefningar um Bæjarlistamann Seltjarnarness 2022 og hann einróma valinn. Formaður menningarnefndar mun tilkynna viðkomandi um niðurstöðu nefndarinnar. Heiðursathöfn verður haldin í byrjun árs.
- Málsnúmer 2021080377 - Bókasafn starfsemin haustið 2021
Sviðsstjóri upplýsti um starfsemi og menningarviðburði bókasafnsins haustið 2021. Menningarnefnd þakkar fyrir fjölbreytta og vandaða dagskrá á safninu.
- Málsnúmer 2021100067 - Umsókn um menningarstyrk, Ómur hafs og strauma
Menningarnefnd felur sviðsstjóra að fá frekari upplýsingar frá listamanninum.
- 2021080052 - Fyrirspurn um útilistaverk við Hrólfsskálavör 2
Menningarnefnd tekur jákvætt í erindið að því gefnu að tilskilin leyfi fáist frá viðeigandi aðilum. Nefndin telur lofsvert að einstaklingar fjármagni og setji upp listaverk á Seltjarnarnesi fyrir alla að njóta.
Fundi slitið: 17.25