Skipulags- og umferðarnefnd

157. fundur skipulags- og mannvirkjanefndar 1. apríl kl. 16:15 að Austurströnd 1.

Boðaðir: Bjarni Torfi Álfþórsson, Þórður Búason, Anna Margrét Hauksdóttir, Hannes Rúnar Richardsson, Ragnhildur Ingólfsdóttir
Örn Þór Halldórsson – Skipulags- og byggingarfulltrúi

Byggingamál:

1. Valhúsabraut 37 (2010020031)-Fyrirspurn Gunnlaugs Johnson, arkitekts um mögulega stækkun hússins til norðurs, sbr. uppdrættir dags 4.3.2010. Stækkun yrði utan byggingareits deiliskipulags og heildarstærð húss yrði 410 m2 eftir breytingu, sem er 20 m2 yfir leyfilegu byggingarmagni.
   Neikvætt er tekið í fyrirspurn. Samræmist ekki deiliskipulagi

2. Valhúsabraut 25 (2011030033)– Umsókn Ernu Gísladóttur um leyfi til niðurrifs – Ný bygging reist þess í stað, skv, tillögum Björgvins Snæbjörnssonar arkitekts.
   Neikvætt er tekið í fyrirspurn. Samræmist ekki deiliskipulagi. Niðurrif ekki heimilað.

3. Melabraut 32 – yfirbygging á svölum (2011020058) - Umsókn Reynis Garðars Brynjarssonar og Helgu Marteinsdóttur um að reisa svalaskýli skv. uppdráttum Sigurðar Hafsateinssonar, dags. 25.2.2011. Fyrir liggur samþykki eigenda Melabrautar 30,32 og 34. Fyrir liggur samþykki forvarnardeildar slökkviliðs höfðuborgarsvæðis
   - Samþykkt

4. Bollagarðar 14-geymsluskúr á lóðamörkum (2011020047) Umsókn Steinþórs Gunnarssonar um að reisa geymsluskúr á lóðamörkum, skv. uppdráttum Hauks Ásgeirssonar. Niðurstaða grenndarkynningar.

   - Samþykkt að veita leyfi fyrir skúr skv. uppdrætti. Grindverk á lóðamörkum skal vera í samræmi gildandi skilmála og vera eigi hærra en 70 cm og með samþykki nágranna.

5. Tjarnarmýri 16 (2010100047) - Umsókn Guðbrands Sigurðssonar um leyfi til þess að stækka glugga í kjallara auk endurnýjunar á lóð, þ.a.m. girðingar á lóðamörkum, skv. uppdráttum ASK-arkitekta, dags. 31.3.2011. Fyrir liggur samþykki 4/5 hluta eigenda Tjarnarmýrar 10-18
   - Samþykkt að vísa í grenndarkynningu með ítarlegri uppdráttum.

6. Tjarnarmýri 18 (2010100048) - Umsókn Harðar Kvaran um leyfi til þess að setja kjallaratröppur og inngang við kjallara. Einnig er sótt um að setja nýjan glugga á úthlið kjallara, auk endurnýjunar á lóð, þ.a.m. girðingar á lóðamörkum að nr. 14, skv. uppdráttum ASK-arkitekta, dags. 31.3.2011. Fyrir liggur samþykki 4/5 hluta eigenda Tjarnarmýrar 10-18.
   - Samþykkt að vísa í grenndarkynningu.

7. Golfvöllur við Ráðagerði (2011030048)–Umsókn Golfklúbbins Ness um leyfi til þess að gera æfingavöll við Ráðagerði skv. áðurunnum tillögum. Til vara fer golfklúbburinn fram á að gera æfingavöll þar sem áður stóðu bæirinir Litli-Bær og Knútsborg vestan Nesstofutúns, sunnan uppgróins kartöflugarðs. (Í gildi er hverfisvernd skv. aðalskipulagi og deiliskipulag Vestursvæðis, ( B-deild - 9.11.2009) )
   - Tekið neikvætt í erindið. Samræmist ekki aðal- og deiliskipulagi.

8. Unnarbraut 14-(2011040022)-Umsókn Torfa Þ. Þorsteinssonar um að reisa grindverk á lóðamörkum, skv. uppdráttum Guðmundar R. Sigurðssonar, landslagsarkitekts, dags 2.4.2011. Fyrir liggur samþykki aðliggjandi lóðarhafa.
   - samþykkt
   
   Önnur mál:

9. Nesvegur 107 (2010030045) – Framkvæmdir í lóð og fjöru. Bréf Seltjarnarnesbæjar til lóðarhafa lagt fram að nýju, ásamt bréfi lóðarhafa til Seltjarnarnesbæjar. Einnig er lagt fram að nýju bréf Sjafnar Guðmundsdóttur og Guðna Þórðarsonar, dags. 15.03.2010 þar sem fram koma mótmæli vegna ýmissa framkvæmda á lóðinni
   - Afgreiðslu við fyrirspurn er frestað þar til deiliskipulagi Lambastaðahverfis er lokið.

10. Lindarbraut 9 og 11- (2004090038) - Lóðamörk Bréf til fulltrúa lóðarhafa ásamt áliti lögfræðilegs ráðgjafa Seltjarnarnessbæjar lagt fram.
    - Með vísan til þeirra raka sem fram koma í bréfi Landslaga lögfræðstofu , dags. 22. maí sl., og ekki hefur verið andmælt af hálfu lóðarhafa, telur skipulags- og mannvirkjanefnd ekki ástæðu til að aðhafast frekar í málinu enda um einkaréttarlegan ágreining milli eigenda lóða nr. 9 og 11 við Lindarbraut.”

11. Austurströnd 14– (2011040029) –(2011020072) Kæra húsfélags til úrskurðanefndar skipulags- og byggingamála vegna afgreiðslu byggingafulltrúa á athugasemdum húsfélags við grindverk á þaksvölum.
    - Lagt fram til kynningar. Húsfélag hvatt til þess að gera ítarlegri eignaskiptasamning

12. Austurströnd 14-(2011030047) Grindverk á sameign/ heitur pottur-óleyfisframkvæmd. Bréf byggingafulltrúa til eiganda íbúðar nr. 03-01 vegna óleyfisframkvæmda á sameignarlóð.
    - Lagt fram til kynningar. Húsfélag hvatt til þess að gera ítarlegri eignaskiptasamning

     

     

    Bjarni Torfi Álfþórsson (sign), Þórður Búason (sign), Anna Margrét Hauksdóttir, (sign) Hannes Rúnar Richardsson (sign), Ragnhildur Ingólfsdóttir (sign).