150. fundur hjá Veitustofnun Seltjarnarness haldinn miðvikudaginn 6. apríl 2022 kl. 16:00 á bæjarskrifstofum.
Mættir: Ásgerður Halldórsdóttir, Guðmundur Jón Helgason, Magnús Dalberg og Garðar Gíslason sem var á fjarfundi.
Friðrik Friðriksson boðaði forföll.
Einnig sat fundinn Brynjar Þór Jónasson, sviðstjóri, Gunnar Lúðvíksson fjármálastjóri, Anton Sigurðsson starfsmaður veitna og Jón Þráinsson starfsmaður veitna.
Gestur fundarins undir lið nr. 2 var Hrefna Kristmannsdóttir jarðefnafræðingur.
Dagskrá:
1. Ársreikningur Frá-, Vatns- og Hitaveitu Seltjarnarnesbæjar árið 2021.
Ásgerður Halldórsdóttir formaður stjórnar gerði grein fyrir rekstri veitna fyrir árið 2021, efnahagsreikningi í árslok og skýringum í ársreikningi. Fjallað var um lykiltölur og helstu niðurstöður. Formaður bar upp ársreikningana til samþykktar samkvæmt 3. mgr. 61. gr. sveitarstjórnarlaga nr. 138/2011.
Ársreikningur vatns-, frá- og hitaveitu fyrir árið 2021 var samþykktur með 4 atkvæðum og 1 á móti.
2. Málsnúmer 2022040010 Vinnslueftirlit 2021-2022.
Hrefna Kristmannsdóttir kynnti niðurstöður vinnslueftirlits með jarðhitasvæðinu á Seltjarnarnesi fyrir árið 2021 og áhrif vinnslunnar á jarðhitasvæðið á Seltjarnarnesi. Almenn niðurstaða er að ástand jarðhitasvæðisins er í jafnvægi.
3. Önnur mál.
Formaður stjórnar þakkar stjórn og starfsmönnum ánægjulegt samstarf á kjörtímabilinu sem nú er að ljúka og óskar þeim góðs gengis í framtíðinni.
Fundi slitið kl.17:40