Álagningaseðill fasteignagjalda er birtur rafrænt undir mínar síður á heimasíðunni og á island.is.
Eftirfarandi álagningarreglur vegna ársins 2026 voru samþykktar í bæjarstjórn:
Álagning útsvars
Útsvarsprósenta árið 2026 er 14,54%
Fasteignagjöld:
| Gjöld | Íbúðarhúsnæði | Atvinnuhúsnæði |
|---|---|---|
| Fasteignaskattur | 0,166% af fasteignamati | 1,154% af fasteignamati |
| Lóðaleiga | 0,40% af fasteignamati lóðar | 1,75% af fasteignamati lóðar |
| Vatnsgjald | 0,0855% af fasteignamati* | 0,0855% af fasteignamati* |
| Sorp- og urðunargjald fer eftir ílátum | Sjá gjaldskrá um sorphirðu | Sjá gjaldskrá um sorphirðu |
| Fráveitugjald | 0,1425% af fasteignamati | 0,1425% af fasteignamati |
*Aukavatnsskattur leggst á stórnotendur skv. mæli kr. 44,50,- pr m3
Gjalddagar fasteignagjalda 2026
- Gjalddagar eru samtals tíu talsins
- 15. janúar, 15. febrúar, 15. mars, 15. apríl, 15. maí, 15. júní, 15. júlí, 15. ágúst, 15. september og 15. október
- Eindagar eru 15. dags næsta mánaðar eftir gjalddaga.
Lækkun/niðurfelling fasteignaskatts og holræsagjalds/fráveitugjald til elli- og örorkulífeyrisþega skv. samþykkt þar um verður:
Afsláttur er hlutfallslegur og miðast við tekjur síðastliðins árs samkvæmt skattframtali. Forsendur eru því tekjuviðmið einstaklinga annars vegar og hjóna og fólks í skráðri sambúð hins vegar.
| Afsláttur % | 2026 - Einstaklingar | |
| 100% | 0 | 6.552.415 |
| 75% | 6.552.416 | 6.697.501 |
| 50% | 6.697.502 | 6.842.588 |
| 25% | 6.842.589 | 6.988.981 |
| Afsláttur % | 2026 - Hjón/fólk í skráðri sambúð | |
| 100% | 0 | 8.371.877 |
| 75% | 8.371.878 | 8.954.837 |
| 50% | 8.954.838 | 9.537.796 |
| 25% | 9.537.797 | 10.119.449 |
- Notuð er heimild til þess að lækka fráveitugjald hjá tekjulágum elli- og örorkulífeyrisþegum.
- Afsláttur af fráveitugjaldi er reiknaður út og meðhöndlaður með sama hætti og afsláttur af fasteignaskatti, skv ofanskráðu.
- Ekki þarf að sækja um lækkunina. Gerður verður vélrænn samanburður tekna samkvæmt skattframtali 2025 við afsláttarviðmiðun Seltjarnarnesbæjar. Nú verða afslættir dregnir frá strax við álagningu gjaldanna. (Ath. að fjármagnstekjur falla undir tekjur)
Skráð afnot fasteignar í fasteignaskrá ræður skattflokki.
Vinsamlegast athugið að breytingar á skráðri notkun fasteignar er háð byggingarleyfi Skipulags- og byggingarfulltrúa Seltjarnarnesbæjar. Ef afnotum fasteignar, sem metin er sem ein heild, er á þann veg háttað að greiða ber fasteignaskatt af henni samkvæmt fleiri en einum gjaldflokki, t.d. ef íbúðarhúsnæði er að hluta til notað fyrir ferðaþjónustu, þar á meðal heimagistingu, ákveður byggingarfulltrúi hlutfallslega skiptingu milli gjaldflokka.
- A-skattflokkur 0,166% af fasteignamati
Íbúðir og íbúðarhús ásamt lóðarréttindum, erfðafestulönd í dreifbýli og jarðeignir, útihús og mannvirki á bújörðum sem tengd eru landbúnaði, hesthús, öll hlunnindi og sumarbústaðir ásamt lóðarréttindum. - B-skattflokkur 1,32% af fasteignarmati
Sjúkrastofnanir samkvæmt lögum um heilbrigðisþjónustu, skólar, heimavistir, leikskólar, íþróttahús og bókasöfn.
C-skattflokkur 1,154 % af fasteignarmati
Allar aðrar fasteignir, svo sem iðnaðar-, skrifstofu-, og verslunarhúsnæði, fiskeldismannvirki, veiðihús og mannvirki sem nýtt eru fyrir ferðaþjónustu, þar á meðal heimagisting.
- Álagning fasteignagjalda og útsvars fyrir árið 2026 var samþykkt í bæjarráði Seltjarnarnesbæjar þann 8. desember 2025 og staðfest í bæjarstjórn Seltjarnarnesbæjar þann 10. desember 2025.