Umgjörðin og náttúran við golfvöllinn á Seltjarnarnesi er einstök og golfvöllurinn vinsæll jafnt meðal Seltirninga og annara kylfinga. Þar leika kylflingar golf og njóta fegurðarinnar allt í kring í sátt og samlyndi við iðandi fuglalíf allt um kring. Draumahringurinn, Einvígið og Meistaramótið eru meðal stærstu viðburða á vellinum ár hvert.
Frá stofnun Golfklúbbs Ness-Neslúbbsins hefur það verið stefna klúbbsins að starfa í sátt við fuglalíf á vellinum og kringum hann. Varpfuglar hafa alltaf notið verndar með sérstökum reglum um golfleik á vellinum. Þá voru heildstæð markmið í umhverfismálum lögð fram árið 2010 og þeim ætlað að stuðla að verndun dýralífs og flóru á vellinum og nánasta umhverfi hans. Brautir vallarins bera nöfn eftir helstu fuglategundum sem heiðra Suðurnesið með nærveru sinni. Fyrsta braut heitir Æðukolla, önnur Kría, þriðja Svanur, fjórða Lóa, fimmta Stelkur, sjötta Grágæs, sjöunda Margæs, áttunda Stokkönd og níunda Tjaldur.
Golfvöllur Seltjarnarnes er 9 holur, par 36 og 2646 m langur og erfiðleika stig 69,2/125. Á honum var fyrsta vatnstorfæra á íslenskum golfvelli þ.e. Búðatjörn og á sömu braut fyrsta glompa sem gerð var en hún er enn til á núverandi áttundu braut.
Saga klúbbsins
Golfklúbbur Ness var stofnaður þann 4. apríl 1964. Pétur Björnsson var einna fremstur í flokki þeirra frumkvöðla sem stofnuðu Nesklúbbinn ásamt félaga sínum Ragnari J. Jónssyni (Ronna). Forsöguna má rekja til þess að þeir félagar hófu að spila golf í Grafarholti en faðir Péturs átti hlut í landinu sem ný hýsir golfvöllinn og leist þeim félögum betur á að leika golf á undirlendinu á Nesinu. Fyrstu og aðra brautina slógu þeir félagar með handsláttuvél en síðan hefur mikið vatn runnið til sjávar og klúbburinn orðinn sífellt vinsælli enda mun fleiri sem iðka golfíþróttina nú en þá. Var á fyrstu árunum auglýst eftir meðlimum og einnig fenginn til starfa breskur golfkennari á Nesvöllinn sem tók flesta alla meðlimi í golftíma fyrstu árin.