Selið er félagsmiðstöð fyrir ungmenni á Seltjarnarnesi frá 10-16 ára þar sem flestir eiga að geta fundið eitthvað við sitt hæfi og notið samvista við jafnaldra í öruggu umhverfi.
Forstöðukona: Thelma Hrund Sigurbergsdóttir
Starfsemi Selsins byggir á fjölbreyttu tómstunda- og hópastarfi. Dagskránni er skipt í vetrardagskrá, sem hefst í byrjun september og lýkur í lok maí, og sumardagskrá, sem hefst í byrjun júní og lýkur um miðjan júlí. Skipulagning og framkvæmd félagslífs og tómstundastarfs nemenda er að miklu leyti í höndum unglinganna sjálfra, í samvinnu við sérhæfða starfsmenn. Gott samstarf er á milli Selsins og grunnskóla Seltjarnarness, bæði Valhúsaskóla og Mýrarhúsaskóla.
5., 6. og 7. bekkur
Dagskrá er auglýst mánaðarlega í Mýrarhúsaskóla og Valhúsaskóla og send í tölvupósti til foreldra.
- Opið er fyrir 5. og 6. bekk á miðvikudögum kl. 17:15–18:45.
- Opið er fyrir 7. bekk á mánudögum kl. 17:15–18:45 og í hádeginu á fimmtudögum.
8. - 10. bekkur
Dagstarf þriðjudaga kl. 14:00 - 17:00 og miðvikudaga kl. 14:00 - 16:00
Í opna dagstarfinu er boðið upp á fjölbreytta dagskrá í samvinnu við unglingana. Félagsmiðstöðin býður upp á borðtennis, pílukast, leikjatölvur, tónlistarstúdíó og ýmis önnur spil og afþreyingu. Auk þess er hægt að sinna heimanámi, horfa á fræðsluefni, lesa, æfa fyrir sýningar og uppákomur eða einfaldlega spjalla saman og slappa af. Opið er kl. 14:00–17:00 á þriðjudögum og kl. 14:00–16:00 á miðvikudögum.
Kvöldstarf mánudaga og miðvikudaga kl. 19:30 - 22:00 og föstudaga kl. 19:30 - 22:30
Í kvöldstarfinu er ávallt eitthvað skemmtilegt um að vera, dagskráin er fjölbreytt og miðuð að áhugasviði unglinganna. Fastir liðir hafa m.a. verið: leikjamót, fræðslu- og kynningakvöld, plötusnúðaæfingar, bakstur, kvikmyndakvöld, sundlaugarpartý, spurningakeppnir, heimsóknir í aðrar félagsmiðstöðvar, böll og margt fleira.Opnunartímar kvöldstarfs eru á mánudögum og miðvikudögum kl. 19:30–22:00 og á föstudögum kl. 19:30–22:30.
Hádegisstarf
Í hádegishléum í Valhúsaskóla er opið í Selinu fyrir nemendur. Hver árgangur fær að vera eitt hádegi í viku í Selinu, þar sem boðið er upp á helstu afþreyingu sem Selið hefur upp á að bjóða. Á meðan nemendur eru í Selinu á skólatíma gilda sömu símareglur og í skólanum.
Aðrar uppákomur eru til dæmis viðburðir Samfés, starfsemi nemendaráðs, tenging við Skelina ungmennahús og margt fleira.