Haldinn í fundarsal bæjarráðs á bæjarskrifstofunum við Austurströnd 2,
Fimmtudaginn 14. mars febrúar, 2019, og hófst hann kl. 08:15
Fundinn sátu: Magnús Örn Guðmundsson, formaður, Sigrún Edda Jónsdóttir aðalmaður, Guðmundur Ari Sigurjónsson, aðalmaður.
Ennfremur sat fundinn Ásgerður Halldórsdóttir, bæjarstjóri og Gunnar Lúðvíksson fjármálastjóri, sem ritaði fundargerð í tölvu
-
2019020150 – Gjaldskrá fyrir heilbrigðiseftirlit Kjósarsvæðis.
Ný gjaldskrá fyrir heilbrigðis- og mengunarvarnaeftirlit lögð fram. Bæjarráð gerir ekki athugasemd við fyrirliggjandi gjaldskrá og vísar til staðfestingar bæjarstjórnar.
-
2017060228 - Bréf Persónuverndar um ákvörðun varðandi birtingu persónuupplýsinga á vefsíðu Seltjarnarnesbæjar í tengslum við opið bókhald, dags. 04.02.2019.
Fjármálastjóri upplýsti um hvaða önnur kerfi eru til boða, einnig hvernig önnur bæjarfélög hafa brugðist við. Fjármálastjóra falið að afla tilboða í uppsetningu á opnu bókhaldi.
-
201510090 – Stefnumörkun í ferðaþjónustu á Seltjarnarnesi.
Stefnumörkun ferðaþjónustu á Seltjarnarnesi, María Björk Óskarsdóttir sviðstjóri mætti á fund bæjarráðs og upplýsti um stöðu verkefnisins. Bæjarráð lýsir ánægju sinni með þá vinnu sem búin er og næstu skref í þessu ferli og felur Maríu Björk að vinna áfram með málið m.v. umræður á fundinum.
-
2018040210 – Lækningaminjasafn.
María Björk sviðstjóri fór yfir þau tilboð og erindi sem bárust við auglýsingu bæjarins um húsið. Bæjarráð frestar málinu til næsta fundar.
-
2019030069 - Nesið okkar.
Fjármálastjóri sagðist vera að skoða tölvuútfærslu við kosningarnar að því loknu yrði verkefnið sett af stað. María lagði til að skoðað yrði að setja saman tvö ár í þessu verkefni. Maríu og Gunnari falið að vinna áfram m.v. umræður á fundinum.
-
Fjárstreymisyfirlit janúar til febrúar 2019.
Fjármálastjóri bæjarins fór yfir fjárstreymisyfirlit fyrir janúar 2019.
Fleira ekki tekið fyrir.
Fundi slitið kl. 10:25