Bæjarráð fundur nr. 130 Haldinn í fundarsal bæjarráðs á bæjarskrifstofunum við Austurströnd 2, fimmtudaginn 7. apríl, 2022 kl. 08:15
Fundinn sátu: Magnús Örn Guðmundsson, Sigrún Edda Jónsdóttir, Guðmundur Ari Sigurjónsson, Karl Pétur Jónsson, Ásgerður Halldórsdóttir bæjarstjóri, og Gunnar Lúðvíksson fjármálastjóri.
Gestur fundarins undir lið 1 Sturla Jónsson löggiltur endurskoðandi frá Grant Thornton.
Fundargerð ritaði: Gunnar Lúðvíksson
Fyrir var tekið:
Dagskrá:
1. Ársreikningur Seltjarnarnesbæjar 2021.
Sturla Jónsson, löggiltur endurskoðandi frá Grant Thornton mætti á fund bæjarráðs. Sturla Jónsson gerði grein fyrir rekstri bæjarins á árinu 2021, efnahagsreikningi í árslok og skýringum í ársreikningi. Fjallað var um lykiltölur og helstu niðurstöður. Bæjarráð samþykkir framlagðan ársreikning Seltjarnarnesbæjar fyrir árið 2021, samkvæmt 3. mgr. 61. gr. sveitarstjórnarlaga nr. 138/2011. Ársreikningur er undirritaður af bæjarstjóra og vísað til fyrri umræðu í bæjarstjórn. Fyrri umræða er fyrirhuguð á fundi bæjarstjórnar 27. apríl og síðari umræða á fundi bæjarstjórnar 11. maí 2022.
2. 2021110055 - Verkefni vegna innleiðingar hringrásarkerfis.
Bréf Sambands íslenskra sveitarfélaga dags. 30.3.2022 varðandi átak um Hringrásarhagkerfið sé farið af stað og hvetur sveitarfélög til að nýta sér þá aðstoð sem í því felst. Lagt fram.
3. 2022030218 - Viðmiðunarreglur um framlög til stjórnmálaflokka.
Bréf Sambands íslenskra sveitarfélaga dags. 25.3.2022 varðandi viðmiðunarreglur um framlög til stjórnmálaflokka. Lagt fram.
4. 2022030198 - Nýr flygill - Tónlistarskólinn.
Bæjarráð samþykkir að endurnýja flygil Tónlistarskólans og felur bæjarstjóra að vinna málið áfram með skólastjóra.
5. 2022040034 - Undirbúningur flutnings Fögrubrekku af Ráðhúsreit.
Bæjarráð felur bæjarstjóra að undirbúa og flytja Fögrubrekku svo hægt sé að undirbúa byggingu nýs leikskóla á Ráðhúsreit í samstarfi við skólastjórnendur og annað fagfólk.
Fundi slitið kl. 8:54