193. fundur bæjarráðs
Haldinn í fundarsal bæjarstjórnar að Austurströnd 5, fimmtudaginn 7. maí 2026 kl. 08:15.
Mættir: Magnús Örn Guðmundsson, Ragnhildur Jónsdóttir, Sigurþóra Bergsdóttir og Þór Sigurgeirsson
Fundarritari: Svava Sverrisdóttir sviðsstjóri fjármálasviðs.
1. 2026030053 – Brynja leigufélag – umsókn um stofnframlag
Sviðsstjóri fjármála leggur fram minnisblað um stöðu á félagslegu húsnæði á Seltjarnarnesi og áhrif þess að vera í samstarfi við Brynju leigufélag um kaup á félagslegum íbúðum.
Bæjarráð samþykkir umsókn Brynju leigufélags um stofnframlag til kaupa á einni íbúð til reynslu. Samþykkið er háð því skilyrði að sveitarfélagið fái að koma að úthlutun
Bókun Samfylkingar og óháðra:
Fulltrúi Samfylkingar og óháðra samþykkir þá afgreiðslu að bærinn samþykki umsókn Brynju húsnæðisfélags um kaup á einni íbúð, jafnframt vil undirrituð taka fram að ég hefði talið betra að samþykkja kaupin á þremur íbúðum. Nú eru sjö manns á biðlista eftir félagslegri íbúð og eru því þrjár íbúðir betri kostur.
Húsnæðisöryggi er grundvöllur þess að fólk geti lifað með reisn og tekið þátt í samfélaginu okkar, öllum til heilla.
Sigurþóra Bergsdóttir
2. 2024020210 – Bygging nýs leikskóla
Verkfundaskýrslur nr. 12 - 15 lagðar fram.
3. 2026050015 – Sorphirða Seltjarnarnesbæjar – nýjar samþykktir
Uppfærðar samþykktir vegna sorphirðu Seltjarnarnesbæjar lagðar fram til samþykktar.
Bæjarráð samþykkir samþykktirnar og vísar þeim til afgreiðslu bæjarstjórnar.
4. 2026040250 – Endurnýjun samstarfssamnings við Golfklúbb Ness
Samningur við Golfklúbb Ness sem rann út í desember 2025 er lagður fram til upplýsingar. Fyrir liggur beiðni um aukið fjárframlagt til að standa undir auknu barnastarfi við golfklúbbinn.
Málinu frestað. Bæjarráð tekur vel í erindið en óskar eftir greinargerð frá ÍTS með samanburði á samningum vegna styrkja til íþrótta- og tómstundastarfs barna á Seltjarnarnesi.
5. 2026050020 – Fuglatalning vorið 2026
Eftirfarandi bókun frá umhverfisnefnd lögð fram:
3. 2026050020 – Fuglatalning vorið 2026
Farið yfir stöðu málsins og kostnaðaráætlun lögð fram.
Afgreiðsla: Samþykkt að fela Jóhanni Óla að framkvæma fuglatalningu. Nefndin bendir á mikilvægi þess að samfella sé í fuglatalningu milli ára og óskar eftir áframhaldandi fjárveitingu bæjarráðs til málsins.
Bæjarráð tekur undir mikilvægi þess að regluleg fuglatalning fari fram á Seltjarnarnesi og samþykkir áframhaldandi fjárveitingu í verkið.
Magnús Örn Guðmundsson, formaður bæjarráðs, þakkar nefndarmönnum, bæjarstjóra og sviðsstjóra fjármála, kærlega fyrir samstarfið á kjörtímabilinu. Ragnhildur Jónsdóttir og Sigurþóra Bergsdóttir þakka sömuleiðis fyrir gott samstarf.
Fundi slitið: 9:29