Bæjarráð fundur nr. 14
Haldinn í fundarsal bæjarráðs á bæjarskrifstofunum við Austurströnd 2,
fimmtudaginn 4. júní, 2015 og hófst hann kl. 08:00
Fundinn sátu: Sigrún Edda Jónsdóttir formaður, Bjarni Torfi Álfþórsson aðalmaður, Margrét Lind Ólafsdóttir aðalmaður og Árni Einarsson áheyrnarfulltrúi.
Ennfremur sat fundinn Ásgerður Halldórsdóttir, bæjarstjóri og Gunnar Lúðvíksson fjármálastjóri, sem ritaði fundargerð í tölvu. Snorri Aðalsteinsson, félagsmálastjóri sat fund undir lið 2, Baldur Pálsson, fræðslustjóri sat undir lið 3, og Steinunn Árnadóttir sat undir lið 4.
Fyrir var tekið:
-
Málsnúmer 2014120032.
Mat á núverandi stjórnskipulagi byggingafulltrúa.
Arnar Jónsson fór yfir úttekt á stjórnun og stjórnskipulagi byggingafulltrúa á fundi nefndarinnar 28. maí sl. Markmið verkefnisins voru eftirfarandi:
-
Að vinna með stjórnendum Seltjarnarnesbæjar að greiningu og mati á núverandi verkefnum Umhverfissviðs, verkaskiptingu forgangsröðun verkefna.
-
Að kanna hvort og þá hvernig væri unnt að ná fram hagræðingu og auka skilvirkni í framkvæmd verkefna sviðsins.
-
Að vinna tillögu að nýju stjórnskipulagi sviðsins.
-
Að móta á grunni greiningar úrbótaáætlun sem lýsir nýju og breyttu stjórnskipulagi sviðsins.
-
Að skoða verkaskiptingu aðila og forgangsröðun verkefna til samræmis við áherslur sveitarfélagsins.
Eftirfarandi tillögur eru gerðar að breytingum á stjórnskipulagi byggingafulltrúa Seltjarnarnesbæjar sem hafa það að leiðarljósi að efla starfsemina og styrkja form og virkni miðlægrar þjónustu og einfalda skipan verkefna.
Lagt er til að nafni sviðsins verði breytt í Umhverfissvið. Sviðinu verði falið að samþætta vinnu eignasjóðs á sviði viðhalds og rekstur fasteigna, viðhaldi og rekstri veitna og annarra framkvæmda innan bæjarins. Lagt er til að stjórnandi sviðsins nefnist áfram sviðstjóri og öðrum starfsmönnum sviðsins verði settar hlutverka- og starfslýsingar sem feli í sér lýsingu á starfsemi sviðsins. Bæjarráð samþykkir að fela bæjarstjóra að útbúa nýjar starfslýsingar fyrir sviðið, að öllum ákvæðum um fasta yfirvinnu í ráðningasamningum verði sagt upp og fastlaunasamningar í heild sinni verði sagt upp Bæjarráð samþykkir ofangreint og tillögu Capacent í heild og vísar til staðfestingar bæjarstjórnar.
-
-
Málsnúmer 2014120024.
Samstarfsyfirlýsing um mál er varða heimilisofbeldi og lögreglustjórans á höfuðborgarsvæðinu.
Snorri Aðalsteinsson félagsmálastjóri gerði grein fyrir málinu og málið rætt. Bæjarráð óskar eftir að málinu verði fylgt eftir og kynnt fyrir ráðinu þegar samstarfsaðili liggur fyrir.
-
Málsnúmer 2015050354.
Samþykkt stjórnar SSH vegna kjarasamninga grunnskólakennara.
Baldur Pálsson fræðslustjóri gerði grein fyrir málinu. Bæjarráð samþykkir tillögu stjórnar SSH og felur fræðslustjóra að kynna hana fyrir stjórnendum grunnskólans.
-
Garðsláttur fyrir eldri bæjarbúa.
Fyrirspurn frá fundi nr. 393 hjá Fjölskyldunefnd varðandi slátt og hirðingu lóða. Steinunn Árnadóttir mætti á fundinn og gerði grein fyrir málinu. Bæjarráð tekur undir sjónarmið Steinunnar og sér sig ekki fært að verða við slíkri þjónustu.
-
Málsnúmer 2015050244.
Tilnefning í samráðshóp um vatnsvernd og vatnsnýtingu á höfuðborgarsvæðinu.
Bæjarráð samþykkir að tilnefna Gísla Hermannsson, sviðstjóra sem fulltrúa Seltjarnarnesbæjar í samráðshóp um vatnsvernd og vatnsnýtingu á höfuðborgarsvæðinu.
Fundargerð lesin upp og samþykkt, fundi slitið kl. 09:10