353. fundur Fjárhags- og launanefndar Seltjarnarness var haldinn fimmtudaginn 14. apríl 2005 kl. 08:00 í fundarsal bæjarstjórnar, Austurströnd 2, Seltjarnarnesi.
Mættir voru: Ásgerður Halldórsdóttir, Inga Hersteinsdóttir, Guðrún Helga Brynleifsdóttir, Jónmundur Guðmarsson og Lúðvík Hjalti Jónsson, sem ritaði fundargerð.
Þetta gerðist:
- Lögð var fram drög að endurskoðaðri gjaldskrá gatnagerðargjalda og gjaldskrá fyrir leyfisveitingar og þjónustu byggingarfulltrúans á Seltjarnarnesi.
Samþykkt samhljóða.
- Lagt var fram minnisblað framkvæmdastjóra fjármála- og stjórnsýslusviðs, dags. 12. apríl 2005 með tillögu um skuldbreytingu yfirtekinna lána Hrólfsskálamels ehf.
Samþykkt samhljóða.
- Lagt var fram minnisblað, dags. 8. apríl 2005 um þjónustutilboð vegna tölvukerfa bæjarins. Bæjarstjóri kynnti verðhugmyndir þriggja aðila. Bæjarstjóra falið að vinna áfram að málinu.
- Lagt var fram bréf VST, dags. 15. mars 2005 með tilboði vegna verkefnastjórnunar við Sundlaug Seltjarnarness ásamt drögum að verksamningi.
Bæjarstjóra falið að ganga frá samningi sbr. framlögð gögn.
- Lögð fram drög að reglum vegna líkamsræktarstyrkja til starfsmanna Seltjarnarnesbæjar, sbr. 4. tl. 352. fundar.
Samþykkt samhljóða að greiða líkamsræktarstyrki frá 1. maí 2005 skv. framlögðum reglum þar um.
- Lagt fram minnisblað grunnskólafulltrúa, dags. 16. mars 2005 með ósk um breytingu á samþykktri fjárhagsáætlun 2005 vegna framkvæmda við Mýrarhúsaskóla.
Samþykkt og vísað til endurskoðaðrar fjárhagsáætlunar.
- Lagt fram bréf frá riturum við Grunnskóla Seltjarnarness, dags. 6. apríl 2005 vegna yfirvinnugreiðslna í kaffitímum.
Nefndin telur að um skipulagsmál sé að ræða innan viðkomandi stofnunar og skólastjóra beri að leysa málið.
- Lögð fram tillaga um útboð á rekstri fyrirhugaðrar líkamsræktar í Sundlaug Seltjarnarness ásamt drögum að leigusamningi.
Samþykkt samhljóða og bæjarstjóra falið að vinna áfram að málinu.
- Lagður fram tölvupóstur, dags. 18. mars 2005 með ósk um úttekt á rekstri íþróttamiðstöðvarinnar.
Bæjarstjóra falið að leita að aðila til að vinna úttekt á rekstri íþróttamiðstöðvar og koma með tillögur um úrbætur.
- Lagt fram minnisblað framkvæmdastjóra félagsþjónustunnar, dags. 6. apríl 2005 vegna beiðni um styrk til þjálfunar hjálparhunds, sbr. 8. tl. 351. fundar.
Afgreiðslu frestað.
- Lagt fram bréf Leiklistarfélags Seltjarnarness, móttekið 11. apríl 2005, með ósk um styrk vegna uppsetningar á leikverki.
Samþykkt 150.000 kr. styrkur.
- Lagt fram bréf, dags. 1. mars 2005, með ósk um styrk.
Framkvæmdastjóra fjármála- og stjórnsýslusviðs falið að svara málinu.
- Lagt fram bréf, dags. 21. febrúar 2005, með ósk um styrk til vefsíðugerðar.
Nefndin telur sér ekki fært að verða við erindinu.
- Lagt fram bréf, dags. 13. mars 2005, með ósk um styrk vegna þátttöku í alþjóðlegu skautamóti.
Samþykkt að vísa erindinu til afgreiðslu ÆSÍS.
- Lagður fram tölvupóstur Alnæmissamtakanna, dags. 10. mars 2005, með ósk um styrk til fræðslu og forvarna.
Samþykkt 30.000 kr. styrkur.
- Lagður var fram ársreikningur SSH fyrir árið 2004.
- Lögð fram úthlutun kennslumagns grunnskóla fyrir skólaárið 2005-2006 skv. samþykktu reiknilíkani fyrir úthlutun kennslumagns.
Samþykkt og vísað til skólanefndar.
Fundargerð upplesin og samþykkt.
Fleira ekki gert og fundi slitið kl. 9:25