358. fundur Fjárhags- og launanefndar Seltjarnarness var haldinn fimmtudaginn 6. október 2005 kl. 08:00 í fundarsal bæjarstjórnar, Austurströnd 2, Seltjarnarnesi.
Mættir voru: Ásgerður Halldórsdóttir, Bjarni Torfi Álfþórsson, Guðrún Helga Brynleifsdóttir, Jónmundur Guðmarsson og Lúðvík Hjalti Jónsson, sem ritaði fundargerð.
Þetta gerðist:- Rætt var um kaup á lóð vegna byggingar hjúkrunarheimilis á Lýsislóð. Lögð fram drög að makaskiptasamningi Seltjarnarneskaupstaðar og Íslenskra aðalverktaka. Einnig lagt fram minnisblað Landslaga lögfræðistofu um heimildir sveitarfélaga til gerðar einkaréttarlegra samninga.
Fjárhags- og launanefnd samþykkir að kannað verði hvort möguleikar séu á samkomulagi um makaskiptasamning á grundvelli fyrirliggjandi gagna.
- Lögð var fram tillaga bæjarstjóra um tilraunaverkefni á sviði íbúaöryggis ásamt drögum að tímabundnum samningi Seltjarnarneskaupstaðar og Securitas þar að lútandi.
Samþykkt samhljóða.
- Lagt var fram bréf Þyrpingar h.f. dags. 21.09.2005 með tilboði um kaup á fasteignum bæjarins við Sef- og Bygggarða.
Fjárhags- og launanefnd tekur jákvætt í erindið og felur bæjarstjóra að fela óháðum aðila að verðmeta eignir bæjarins og annast nánari útfærslu á tilboðum.
- Lagt var fram minnisblað leikskólafulltrúa, dags. 04.10.2005 með tillögu um systkinaafslátt á milli leikskóla og dagmæðrakerfis.
Fjárhags- og launanefnd tekur jákvætt í erindið og vísar því til umsagnar félagsmálaráðs.
- Rætt var um gjöf Seltjarnarnesbæjar í tilefni af 130 ára afmæli Mýrarhúsaskóla.
Samþykkt 500.000.- kr. til kaupa á leiktæki á skólalóð Mýrarhúsaskóla.
- Lagt var fram bréf Selkórsins, dags. 14.09.2005 með ósk um stuðning við sameiginlega tónleika kórsins og Sinfóníuhljómsveitar Íslands.
Samþykkt að styrkja um allt að 400.000.- kr.
- Lagt var fram bréf dags. 07.09.2005 með ósk um styrk vegna tónleikahalds á Seltjarnarnesi.
Samþykktur 100.000.- kr. styrkur.
- Lagt var fram bréf UNIFEM, dags. 09.09.2005 með ósk um útgáfustyrk.
Samþykkt 30.000.- kr. styrkur.
- Lagður var fram ársreikningur Sinfóníuhljómsveitar Íslands fyrir árið 2004.
Fundargerð upplesin og samþykkt.
Fundi slitið kl. 8:45
Bjarni Torfi Álfþórsson (sign)
Ásgerður Halldórsdóttir (sign)
Guðrún Helga Brynleifsdóttir (sign)
Jónmundur Guðmarsson (sign)