360. fundur Fjárhags- og launanefndar Seltjarnarness var haldinn fimmtudaginn 3. nóvember 2005 kl. 08:00 í fundarsal bæjarstjórnar, Austurströnd 2, Seltjarnarnesi.
Mættir voru: Ásgerður Halldórsdóttir, Inga Hersteinsdóttir, Sunneva Hafsteinsdóttir, Jónmundur Guðmarsson og Lúðvík Hjalti Jónsson, sem ritaði fundargerð.
Þetta gerðist:
- Bæjarstjóri gerði grein fyrir viðræðum Seltjarnarnesbæjar og ÍAV um kaup á lóð vegna byggingar hjúkrunarheimilis á Lýsislóð og makaskiptasamningi þar að lútandi.
- Bæjarstjóri gerði grein fyrir samningaumleitunum Þyrpingar hf. og Seltjarnarnesbæjar vegna tilboðs um kaup á fasteignum bæjarins við Sef- og Bygggarða sbr. 1. tl. 359. fundar. Bæjarstjóri gerði einnig grein fyrir tilboðum í gervigrasvöll á Suðurströnd.
- Lagt fram minnisblað leikskólafulltrúa, dags. 04.10.2005 með tillögu um systkinaafslátt á milli leikskóla og dagmæðrakerfis ásamt umsögn félagsmálaráðs Seltjarnarnesbæjar. Samþykkt samhljóða og gildir frá 01.12.2005.
- Lögð fram greinargerð Grant Thornton ehf. endurskoðunar um fjárhagsstöðu Seltjarnarnesbæjar miðað við árslok 2004.
- Lagt fram bréf dags. 01.11.2005 vegna ákvörðunar bæjarstjórnar Seltjarnarness um byggingu og rekstur heilsuræktar við Sundlaug Seltjarnarness. Bæjarstjóri svari erindinu með aðstoð lögmanns bæjarins.
- Lögð fram fjárhagsáætlun Slökkviliðs höfuðborgarsvæðisins fyrir árið 2006.
- Lögð fram þriggja ára áætlun Slökkviliðs höfuðborgarsvæðisins fyrir árin 2007-2009.
- Lagt var fram bréf Samtaka áhugafólks um skólaþróun dags. 05.10.2005. Vísað til afgreiðslu skólanefndar.
- Lagt var fram bréf móttekið 12.10.2005 með ósk um styrk vegna keppni í litbolta. Fjárhags- og launanefnd telur sér ekki fært að verða við erindinu.
- Lagt var fram bréf Nýrrar dögunar, dags. 20.10.2005 með ósk um útgáfustyrk.
Samþykkt 30.000 kr. styrkur.
- Lagt var fram bréf Stígamóta, dags. 19.10.2005 með ósk um styrk. Samþykkt að vísa til afgreiðslu félagsmálaráðs.
- Lagt var fram bréf leikskólafulltrúa dags. 02.11.2005, þar sem óskað er eftir heimild til ráðningar starfsfólks vegna atferlismeðferðar barns á Sólbrekku.
Samþykkt samhljóða.
Fundargerð upplesin og samþykkt.
Fundi slitið kl. 8:45
Inga Hersteinsdóttir (sign) Ásgerður Halldórsdóttir (sign)
Sunneva Hafsteinsdóttir (sign) Jónmundur Guðmarsson (sign)