368. fundur Fjárhags- og launanefndar Seltjarnarness var haldinn þriðjudaginn 23. maí 2006 kl. 08:00 í fundarsal bæjarstjórnar, Austurströnd 2, Seltjarnarnesi.
Mættir voru: Ásgerður Halldórsdóttir, Inga Hersteinsdóttir, Guðrún Helga Brynleifsdóttir, Jónmundur Guðmarsson og Lúðvík Hjalti Jónsson, sem ritaði fundargerð.
Þetta gerðist:
- Rætt var um úttekt Glax-viðskiptaráðgjöf á rekstri, mannauði og stjórnun hjá Íþróttamiðstöð Seltjarnarness ásamt tillögum að breytingum dags. 19. maí s.l.
Tillögur skv. minnisblaði framkvæmdastjóra fjárhags- og stjórnsýslusviðs samþykktar samhljóða en jafnframt verði starfafyrirkomulag tekið til endurskoðunar 15. sept. nk.
(Málsnúmer:2006050030 )
2. Lagt fram samkomulag heilbrigðis- og tryggingamálaráðuneytis, Reykjavíkurborgar og Seltjarnarneskaupstaðar um byggingu hjúkrunarheimilis dags. 22. maí 2006.
(Málsnúmer:2003110072 )
3. Lögð voru fram drög að reglum um styrki til greiðslu fasteignaskatts til félaga og félagasamtaka í samræmi við 7. gr. rgl. um fasteignaskatt nr. 1160/2006.
Samþykkt samhljóða og vísað til staðfestingar bæjarstjórnar.
(Málsnúmer:2006040042 )
- Lögð fram beiðni um styrk vegna kynningar og uppbyggingar Myndlistarskólans Mynd-Mál.
Samþykkt 100.000 kr. styrkur.
(Málsnúmer:2006050042 )
5. Lagt fram bréf dags. 11. maí sl., með beiðni um námsstyrk vegna Háskólanáms í píanóleik.
Fjárhags- og launanefnd telur sér ekki fært að verða við beiðninni.
(Málsnúmer:2006050055 )
- Lögð fram beiðni um styrk vegna meðferðarsumarbúða fyrir sykursjúk börn.
Samþykktur 60.000 kr. styrkur.
(Málsnúmer:2006050056 )
- Lagt fram bréf dags. 2. maí sl. með beiðni um styrk vegna náms- og kynnisferðar starfsmannahóps Örva til Írlands.
Vísað til félagsmálaráðs.
(Málsnúmer: 2006050027)
- Lagt fram bréf dags. 18. maí sl. þar sem sótt er um styrk vegna fornleifarannsóknar við Nesbala.
Fjárhags- og launanefnd tekur jákvætt í erindið og vísar því til umhverfisnefndar.
(Málsnúmer:2006050063 )
Formaður fjárhags- og launanefndar þakkaði nefndarmönnum og ritara fyrir gott samstarf á kjörtímabilinu.
Fundargerð upplesin og samþykkt.
Fundi slitið kl. 8:50
Ásgerður Halldórsdóttir (sign) Inga Hersteinsdóttir (sign)
Guðrún H. Brynleifsdóttir (sign) Jónmundur Guðmarsson (sign)