376. fundur Fjárhags- og launanefndar Seltjarnarness var haldinn þriðjudaginn 16. janúar 2007 kl. 08:00 á bæjarskrifstofu Seltjarnarness, Austurströnd 2, Seltjarnarnesi.
Mættir voru: Ásgerður Halldórsdóttir, Stefán Pétursson, Guðrún Helga Brynleifsdóttir, Jónmundur Guðmarsson og Lúðvík Hjalti Jónsson, sem ritaði fundargerð.
Óskar J. Sandholt sat fundinn vegna 2.og 3. tl.
Þetta gerðist:
- Lagt var fram erindi Strætó bs. dags. 5. janúar s.l. vegna nýrrar kostnaðarskiptareglu eigenda sem samþykkt var á fundi stjórnar Strætó bs. 8. desember 2006.
Vísað til afgreiðslu bæjarstjórnar.
(Málsnúmer: 2006100076 )
- Lagt fram bréf framkvæmdastjóra fræðslu- og menningarsviðs, dags. 7. desember s.l. vegna stöðu kjaramála kennara.
(Málsnúmer: 2006110026 )
3. Lagt fram minnisblað framkvæmdastjóra fræðslu- og menningarsviðs þar sem fram kemur kostnaðarmat vegna tillögu að breytingum á starfsemi sviðsins sbr. 6. tl. 375. fundar.
Samþykkt er tillaga framkvæmdastjóra um ráðningu fulltrúa á sviðið og kostnaði því samfara vísað til endurskoðaðrar áætlunar.
Bæjarstjóra falið að leggja fram í bæjarstjórn breytingu á skipuriti bæjarins m.t.t.. þessara breytinga.
(Málsnúmer: 2006120020 )
- Lagt fram bréf Jöfnunarsjóðs sveitarfélaga, dags. 22. desember sl. með endanlegum útgjaldajöfnunarframlögum 2006.
(Málsnúmer: 2007010036 )
- Lagður var fram samningur Seltjarnarneskaupstaðar og Fasteignamats ríkisins um álagningarhluta Landskrár fasteigna, dags. 27. desember 2006.
Samþykkt samhljóða.
(Málsnúmer: 2006120059 )
- Lagt fram bréf Lex lögmannstofu, dags. 27. desember sl. vegna kröfu um endurgreiðslu fasteignaskatts á húsnæði Bókasafns Seltjarnarness, Eiðistorgi.
Bæjarstjóra falið að vinna að málinu í samráði við lögmenn bæjarins.
(Málsnúmer: 2006120062 )
7. Lagt fram bréf dags. 13. desember sl. frá Lífeyrissjóði starfsmanna ríkisins þar sem tilkynnt er hækkun á framlagi launagreiðenda úr 6% í 8% frá 1. janúar 2007.
(Málsnúmer: 2007010055 )
8. Lögð fram fundargerð samstarfsnefndar Starfsmannafélags Seltjarnarness frá 13. desember sl.
(Málsnúmer: 2006100068)
- Lagt fram bréf dags. 12. janúar sl. frá Ástu Hrund Guðmundsdóttur þar sem óskað er eftir styrk vegna þátttöku í Young Global Leaders.
Samþykkt 30.000.- kr. styrkur.
(Málsnúmer: 2007010048)
- Lagt fram bréf dags. 5. janúar 2007 frá Vélhjólaíþróttaklúbbnum og Landssambandi íslenskra vélsleðamanna með ósk um styrk.
Nefndin telur sér ekki fært að verða við erindinu.
(Málsnúmer: 2007100028 )
- Lagt fram bréf Barnaheilla, dags. 22. desember 2006 með ósk um styrk.
Vísað til afgreiðslu félagsmálaráðs.
(Málsnúmer: 2006120054)
- Lagt fram bréf dags. 5. desember 2006 frá Krabbameinsfélagi Reykjavíkur með ósk um styrk.
Samþykkt 50.000.- kr. styrkur.
(Málsnúmer: 2006120016 )
- Lagt fram bréf dags. 5. desember 2006 frá verkefnisstjóra Snorraverkefnisins með ósk um styrk.
Samþykkt 50.000.- kr. styrkur.
(Málsnúmer: 2006120017)
- Rætt var um leiðréttingu á styrkfjárhæð vegna þátttöku ungmenna á Olympíukeppni í stærðfræði og eðlisfræði.
(Málsnúmer: 2006060069)
Samþykkt að greiða sem svarar 6 vikna sumarlaunum.
- Guðrún Helga Brynleifsdóttir ítrekar beiðni sína um kostnaðaryfirlit við endurnýjun á Sundlaug Seltjarnarness ásamt lokatölum vegna gervigrasvallar á Suðurströnd.
(Málsnúmer: 2003090031)
Fundargerð upplesin og samþykkt.
Fundi slitið kl. 08:45
Ásgerður Halldórsdóttir (sign) Guðrún Helga Brynleifsdóttir (sign)
Stefán Pétursson (sign) Jónmundur Guðmarsson (sign)