400. fundur Fjárhags- og launanefndar Seltjarnarness var haldinn þriðjudaginn 16. september 2008 kl. 08:00 í fundarsal bæjarstjórnar, Austurströnd 2, Seltjarnarnesi.
Mættir voru: Ásgerður Halldórsdóttir, Sigrún Edda Jónsdóttir, Guðrún Helga Brynleifsdóttir, Jónmundur Guðmarsson og Lúðvík Hjalti Jónsson, sem ritaði fundargerð.
Þetta gerðist:
- Lögð fram endurskoðuð fjárhagsáætlun Seltjarnarnesbæjar fyrir árið 2008. Bæjarstjóri gerði grein fyrir áætluninni.
Endurskoðaðri fjárhagsáætlun vísað til afgreiðslu bæjarstjórnar.
(Málsnúmer : 2008090047 ) - Lagt fram bréf Þyrpingar dags. 25/08/08 varðandi deiliskipulag við Bygggarða/Sefgarða. Erindinu vísað til Skipulags- og mannvirkjanefndar.
(Málsnúmer: 2006010048 ) - Lagt var fram bréf leikskólafulltrúa dags. 11.09.08 með ósk um fjárveitingu vegna sérstuðnings fyrir barn í Mánabrekku.
Samþykkt samhljóða. (Málsnúmer: 2008050055 ) - Rætt var um kjarasamningamál vegna starfsmanna bæjarins.
- Lagður var fram tölvupóstur framkvæmdastjóra íþrótta- og æskulýðssviðs með beiðni um aukafjárveitingu vegna búnaðarkaupa í stúkubyggingu.
Bæjarstjóri gerði grein fyrir styrk sem Grótta fékk frá KSÍ. að fjárhæð um 8 mkr.. Samkomulag liggur fyrir um að styrkurinn verði nýttur til búnaðarkaupa í stúku.
(Málsnúmer : 2003090031 ) - Lögð fram drög að samningi Kópavogsbæjar og Strætó bs. um kaup á fargjöldum.
(Málsnúmer : 2008090059 ) - Rætt var um fyrirhugaðan samning um lóðamál við Neströð.
Bæjarstjóra falið að vinna áfram í málinu.
- Lögð var fram ársskýrsla Kirkjugarða Reykjavíkur fyrir árið 2007.
(Málsnúmer : 2008090003 )
- Lagt fram bréf dags. 21.08.08 frá Lauf – Landssamtökum áhugafólks um flogaveiki með beiðni um styrk.
Samþykkt 30.000 kr. styrkur. (Málsnúmer : 2008090004 )
- Lagt fram bréf dags. 18.08.08 frá Félagi áhugafólks og aðstandenda Alsheimerssjúklinga með ósk um styrk vegna útgáfu bókar.
Samþykkt 30.000 kr. styrkur. (Málsnúmer : 2008080025 )
- Greint var frá fjáröflunarátaki Mænuskaðastofnunar Íslands.
Samþykkt 250.000 kr. styrkur.
- Lagt var fram bréf dags. 05.08.08 frá Dropanum – Styrktarfélagi barna með sykursýki með beiðni um styrk.
Samþykkt 30.000 kr. styrkur.
(Málsnúmer : 2008090025 )
- Lagt fram bréf dags. 11.09.08 frá Skotveiðifélagi Reykjavíkur með beiðni um styrk.
Nefndin telur sér ekki fært að verða við erindinu.
(Málsnúmer : 2008090030 )
Fundargerð upplesin og samþykkt.
Fleira ekki gert og fundi slitið kl. 9:15
Ásgerður Halldórsdóttir (sign) Guðrún Helga Brynleifsdóttir (sign)
Sigrún Edda Jónsdóttir (sign) Jónmundur Guðmarsson (sign)