390. fundur Fjölskyldunefndar Seltjarnarness haldinn í Mýrarhúsaskóla eldri, fimmtudaginn 26. febrúar 2015 kl. 17:00 – 19:00
Mættir: Guðrún B. Vilhjálmsdóttir, Magnús Margeirsson, María Fjóla Pétursdóttir, Halldóra Jóhannesdóttir Sanko og Laufey Gissurardóttir. Snorri Aðalsteinsson sat einnig fundinn.
-
Íbúafundur um málefni aldraðra. Gylfi Dalmann Aðalsteinsson lektor við HÍ og Haukur Geirmundsson íþrótta- og tómstundafulltrúi mættu á fundinn og sögðu frá skipulagi íþróttaþings sem haldið var hér á Seltjarnarnesi og veittu ráðgjöf. Tillaga um að halda íbúafundinn 28. mars n.k. Ákveðið að óska eftir fundi með bæjarstjóra og Árna Einarssyni bæjarfulltrúa vegna ýmissa atriða sem fundarmenn óska eftir nánari upplýsingum um.
-
Kynnt bréf Lögreglustjórans í Reykjavík með ósk um samstarf bæjaryfirvalda við lögregluna á höfuðborgarsvæðinu í málum er varða heimilisofbeldi. Félagsmálastjóri greindi frá fundi með aðstoðarlögreglustjóra og starfsmanni hans vegna málsins. Félagsmálastjóra falið að kanna mögulega lausn á bakvaktarmálum vegna samstarfs um verkefnið.
-
Umsögn um frumvarp til laga um félagsþjónustu sveitarfélaga. Fjölskyldunefnd telur þær breytingar sem mælt er með í frumvarpinu jákvæðar og lýsir stuðningi við frumvarpið.
-
Greint frá fundi með Runólfi Ágústssyni um verkefnið Áfram!, verkefni um endurskipulagningu á félagsþjónustu í Hafnarfirði. Ráðgjöf og verkefnastjórn var undir forustu Runólfs sem stýrði þróun og innleiðingu verkefnisins.
-
Fundargerð Þjónusturáðs sameiginlegs þjónustusvæðis Reykjavíkur og Seltjarnarnesbæjar um þjónustu við fatlað fólk, dags. 4.12.2014 lögð fram og rædd.
-
Trúnaðarmál. Kynnt ársþriðjungslegt yfirlit (1.09.14-31.12.14) umsókna sem félagsmálastjóri hefur heimild til að afgreiða skv. erindisbréfi fyrir fjölskyldunefnd samþykktu í bæjarstjórn Seltjarnarness. Fyrirspurnir og svör.
Fleira ekki gert. Fundi slitið kl. 19:00
Guðrún B Vilhjálmsdóttir (sign), Magnús Margeirsson (sign), Marí Fjóla Pétursdóttir (sign), Halldóra Jóhannesdóttir Sanko (sign), Laufey Gissurardóttir (sign) og Snorri Aðalsteinsson (sign)