Mættir: Guðrún B. Vilhjálmsdóttir, María Fjóla Pétursdóttir, Halldóra Jóhannesdóttir Sanko, Magnús Margeirsson og Laufey Elísabet Gissurardóttir. Snorri Aðalsteinsson sat einnig fundinn.
-
Íbúaþing um málefni eldri bæjarbúa 28. mars ´15. Drög að samantekt á niðurstöðum þingsins ásamt fylgigögnum lögð fram. Fjölskyldunefnd leggur til að öldungaráð fundi með nefndinni á komandi hausti. Samantektinni vísað til bæjarstjórnar.
-
Tillaga um að reist verði elliheimili í bæjarfélaginu borin fram á íbúaþinginu 28.3.15 af Jóni Jónssyni og vísað til fjölskyldunefndar. Tillagan rædd og henni hafnað. Það er opinber stefna stjórnvalda að fólk geti búið heima sem lengst og fengið þá aðstoð sem nauðsynleg er og verið er að leggja niður dvalarheimilisrými í sinni gömlu mynd.
-
Samstarf við lögregluna á höfuðborgarsvæðinu í málum er varða heimilisofbeldi. Leitað hefur verið eftir samstarfi við nágrannasveitarfélögin. Beðið er eftir svari. Fjölskyldunefnd leggur áherslu á að bakvakt verði komið á sem allra fyrst.
-
Úttekt innri endurskoðunar Reykjavíkurborgar á sameiginlegri ferðaþjónustu fatlaðs fólks á höfuðborgarsvæðinu lögð fram.
-
Fundargerðir Þjónusturáðs sameiginlegs þjónustusvæðis Reykjavíkur og Seltjarnarnesbæjar um þjónustu við fatlað fólk, dags. 23.3.2015 og 5.5.2015 lagðar fram.
-
Yfirlit frá Velferðarsviði Reykjavíkur vegna kostnaðar við þjónustu við fatlað fólk á árinu 2014 lagt fram.
-
Trúnaðarmál. Lagt fram yfirlit umsókna sem félagsmálastjóri hefur heimild til að afgreiða skv. erindisbréfi fyrir fjölskyldunefnd samþykkt í bæjarstjórn Seltjarnarness fyrir tímabilið 1.1.15-30.4.15
-
Önnur mál:
a) Halldóra sagði frá námskeiði Barnaverndarstofu fyrir fulltrúa í barnaverndarnefndum sem hún sótti.
b) Rætt um nauðsyn þess að bæjarfélagið bjóði eldra fólki upp á slátt og hirðingu lóða gegn sanngjörnu gjaldi og nýti til þess sumarstarfsmenn. Þetta ýtir undir að gera fólki kleift að búa lengur heima.
c) Kanna möguleika á að útbúa púttvöll á lóðinni framan við Skólabraut 3 – 5 nú í sumar, þar sem tillaga um það kom fram á íbúaþingi um málefni eldri bæjarbúa.
Fleira ekki gert. Fundi slitið kl. 19:51
Guðrún B Vilhjálmsdóttir (sign), Marí Fjóla Pétursdóttir (sign), Halldóra Jóhannesdóttir Sanko (sign), Laufey Elísabet Gissurardóttir (sign), Magnús Margeirsson (sign) og Snorri Aðalsteinsson (sign)