438. fundur Íþrótta- og tómstundanefndar Seltjarnarness var haldinn í fundarherbergi íþróttahússins miðvikudaginn 18. janúar 2023 kl. 08:15.
Fundinn sátu: Örn Viðar Skúlason, Guðmundur Helgi Þorsteinsson, Inga Þóra Pálsdóttir, Guðmundur Gunnlaugsson og Ólafur Finnbogason.
Starfsmaður: Haukur Geirmundsson íþrótta- og tómstundafulltrúi
Fundargerð ritaði: Haukur Geirmundsson
Dagskrá:
1. 2023010252 - Kjör Íþróttafólks Seltjarnarness 2022 í kvenna og karlaflokki
Íþrótta- og tómstundaráð Seltjarnarness gengst fyrir útnefningu á íþróttamanni og íþróttakonu Seltjarnarness ár hvert. Við val á íþróttafólki fyrir árið 2022 lágu fyrir 7 tilnefningar frá ýmsum aðilum.
Fyrir valinu urðu Matthildur Óskarsdóttir kraftlyftingakona úr Kraftlyftingafélagi Reykjavíkur sem er að fá viðurkenninguna í annað sinn og Ingi Þór Olafson golfari úr Golfklúbbi Mosfellsbæjar. ÍTS óskar þeim innilega til hamingju.
Íþróttamaður og íþróttakona Seltjarnarness fá farandbikar og peningastyrk að upphæð kr. 100.000.- sem er ætlaður sem hvatning til enn betri afreka í framtíðinni. Viðurkenningar vegna kjörsins verða veittar fimmtudaginn 26. janúar n.k.
2. 2023010253 - Umsóknir úr afreksmannasjóði ÍTS
Markmið Seltjarnarnesbæjar er að styðja enn frekar við afreksíþróttamenn á Seltjarnarnesi með því að styrkja einstaklinga og hópa sem skara fram úr í íþróttagrein sinni á lands- eða heimsvísu. Tvær umsóknir um styrki úr afreksmanna sjóði ÍTS bárust.
Umsókn Matthildar Óskarsdóttur var samþykkt og fær hún 100 þúsund krónur í styrk.
Aðrar umsóknir fellu ekki innan viðmiðunarmarka úthlutunarreglna ÍTS
3. 2023010254 - Styrkumsókn handknattleiksdeildar Gróttu
Handknattleiksdeild Gróttu óskar eftir styrk vegna reksturs ungmennaliðs deildarinnar sem leikur í 2.deild í meistaraflokks. Markmiðið með ungmannaliði Gróttu er að gefa ungum leikmönnum félagsins tækifæri til að spila í meistaraflokki fyrr en ella.
ÍTS frestar afgreiðslu til næsta fundar ÍTS.
Fundi slitið kl. 9:30.