454. (21.) fundur Íþrótta- og tómstundanefndar Seltjarnarness var haldinn miðvikudaginn 22. apríl 2026 kl. 8:15 í fundarherbergi sundlaugar.
Mættir voru: Örn Viðar Skúlason, Inga Þóra Pálsdóttir, Ólafur Finnbogason og Guðmundur Gunnlaugsson.
Ritari fundar: Haukur Geirmundsson íþróttafulltrúi.
Dagskrá:
1. Mnr. 2026040222 – Málefni íþróttafélagsins Gróttu.
Fulltrúa Gróttu mættu á fundinn og fóru yfir málefni félagsins.
Nefndarmenn þökkuðu fulltrúum Gróttu fyrir greinagóða yfirferð og lýstu ánægju yfir að málefni félagsins eru að komast á rétta braut eftir nokkra óvissu í starfsmannamálum síðustu misseri. Endurnýjun rekstrarsamnings við Gróttu er í undirbúningi.
2. Mnr. 2026040223 – Styrkbeiðni fimleikadeildar.
Vegna rekstrarörðuleika fimleikadeildar hefur hún safnað upp rekstrarskuldum síðustu misseri.
ÍTS leggur til að afgreiðsla þessarar beiðni fylgi gerð nýs rekstrarsamnings við félagið.
3. Mnr. 2026040250 - Samstarfssamningur á milli Golfklúbbs Ness (NK) og Seltjarnarnesbæjar (SB).
Komið er að endurnýjun samningsins. Barna og unglingastarf golfklúbbsins hefur vaxið gífurlega á undanförnum árum, faglegt starf farið mikið uppávið og fjöldi barna aukist.
ÍTS leggur til að hækka styrkinn til Nesklúbbsins í ljósi þróunar verðlags og fjölgunar iðkenda.
4. Mnr. 2026040224 – Styrkbeiðni vegna ferðar til Finnlands.
3.flokkur karla í knattspyrnu er á leið í æfinga og keppnisferð til Finnlands.
ÍTS samþykkir 140 þúsund króna styrk vegna ferðarinnar.
5. Mnr. 202604225 – Styrkbeiðni vegna ferðar til Englands.
4.fl.karla og kvenna í knattspyrnu eru á leið í æfinga og keppnisferð til Englands.
ÍTS samþykkir 280 þúsund króna styrk vegna ferðarinnar.
6. Mnr. 2026040226 - Styrkbeiðni vegna ferðar til Þýskalands.
3.fl.karla í handknattleik eru á leið í æfinga og keppnisferð til þýskalands.
ÍTS samþykkir 140 þúsund króna styrk vegna ferðarinnar.
7. Mnr. 2026040227 – Styrkbeiðni vegna ferðar til Spánar.
Meistaraflokkar karla og kvenna fóru í æfinga og keppnisferð til Spánar.
ÍTS samþykkir 280 þúsund króna styrk vegna ferðarinnar.
8. Mnr. 2026040228 – Styrkbeiðni knattspyrnudeildar Kríu.
Knattspyrnudeild Kríu óskar eftir rekstrarstyrk vegna þátttöku félagsins í deildar og bikarkeppnum sumarsins 2026.
Samþykkt að veita Kríu knattspyrnudeild kr. 350 þúsund króna styrk.
9. Mnr. 2026040229 – Styrkbeiðni – Ösp íþróttafélag.
Íþróttafélagið Ösp óskar eftir styrk vegna 2 þátttakenda í Special Olympics Idrottfestival í Hróarskeldu í vor. Þær heita Erna María Styrmisdóttir sem keppir í knattspyrnu og Nína Margrét Ingimarsdóttir sem keppir í nútímafimleikum.
Samþykkt að veita þeim kr. 30 þúsund króna styrk hvorri um sig eða samtals kr. 60 þúsund.
10. Mnr. 2060040230 – Styrkbeiðni vegna ferðar Nesklúbbsins til Spánar.
Meistaraflokkur og yngri iðkendur Nesklúbbsins eða samtals 35 iðkendur fóru í æfingaferð til Spánar.
ÍTS samþykkir kr. 280 þúsund króna styrk vegna ferðarinnar.
11. Mnr. 2026040231 – Styrkbeiðni vegna ferðar til Andorra.
Benedikt Baldur Tryggvason fór í ferð með Blaksambandi Íslands og keppti í strandblaki fyrir hönd Íslands.
ÍTS samþykkir 30 þúsund króna styrk vegna ferðarinnar.
12. Infra – sauna í sundlaug Seltjarnarness – Mnr. 2026040233.
Mikill áhugi er á að sett verði upp infra – sauna í sundlaug Seltjarnarness. Þess má geta að flestar sundlaugar á höfuðborgarsvæðinu hafa sett upp slíkar saunur og eru vinsældirnar mjög miklar. Óskað var eftir tilboðum frá fjjórum aðilum til að setja upp slíka saunu í gamla kennaraherberginu gegnt útibúningsklefunum. Aðeins eitt tilboð barst frá Sauna.is.
ÍTS mælir eindregið með að þetta verði skoðað nánar. Í ljósi þess að búið er að setja upp slíka klefa í flestum sundlaugum á höfuðborgarsvæðunum og ef Sundlaug Seltjarnarness vill vera samkeppnishæf liggur beint við að setja upp slíkan klefa. Því mælir ÍTS eindregið með að ráðist verði í að setja upp slíkan klefa við sundlaugina.
13. Vorlokun sundlaugar og opnunartímar.
Árleg vorlokun sundlaugar verður 11.-15.maí n.k. þar sem farið verður í viðhald og þrif. Í framhaldinu mun sundlaugin opna aftur laugardaginn 16.maí með nýjum opnunartímum. Farið verður aftur í gamla opnunartímann eins og var áður en honum var breytt.
Fleira var ekki tekið fyrir á fundinum.
Fundi slitið kl. 10:30.