323. (17.) fundur Íþrótta- og tómstundaráðs Seltjarnarness, haldinn fimmtudaginn 20. september 2007 í hátíðarsal Gróttu kl. 17:30.
Mættir voru: Lárus B. Lárusson, Felix Ragnarsson, Haraldur E. Þrastarson, Páll Þorsteinsson, Unnur I. Jónsdóttir og Haukur Geirmundsson.
Ritari fundar: Páll Þorsteinsson.
- Vallarhús og stúka málsnúmer 2003090031
Grímur M. Jónsson frá VSÓ kynnti lokadrög vegna byggingar stúku og vallarhúss knattspyrnuvallarins við Suðurströnd sem unnin er af VSÓ Ráðgjöf og Hornsteinum arkitektum. Fulltrúar Gróttu voru gestir fundarins á meðan Grímur kynnti teikningarnar og tóku þátt í umræðum. ÍTS lýsir yfir ánægju sinni með lokadrög af útliti og fyrirkomulagi á stúku og vallarhúsi og tóku fulltrúar Gróttu undir það. ÍTS ályktar eftirfarandi og vísar til bæjarstjórnar:
Hafist verði handa við gerð stúku fyrir 300 manns og vallarhúss ásamt fyrirhugaðri hlaupabraut sem allra fyrst og framkvæmdum ljúki í einum áfanga fyrir upphaf keppnistímabils knattspyrnunnar 2008.
ÍTS þakkar stjórn knattspyrnudeildarinnar fyrir góða samvinnu í tengslum við hönnun á stúku og vallarhúsi.
- Íþróttafulltrúi málsnúmer 2007080007
Framkvæmdastjóri lagði fram drög að starfslýsingu íþróttafulltrúa Seltjarnarness. ÍTS hvetur til að gert verði ráð fyrir ráðningu sérstaka stöðu íþróttafulltrúa við gerð fjárhagsætlunar 2008.
- Önnur mál
Ráðstefna um íþróttatengda ferðaþjónustu málsnúmer 20070900038
Framkvæmdastjóri lagði fram boð um þátttöku á ráðstefnu um íþróttatengda ferðaþjónustu.
Starfsmaður Gróttu
Framkvæmdastjóra falið að óska eftir starfslýsingu framkvæmdastjóra Gróttu og nýs starfsmanns félagsins verði hann ráðinn til viðbótar.
Lagðar fram hugmyndir æskulýðsfulltrúa um skipulag íþrótta- og æskulýðsmála.
Fundi slitið kl. 18:59
Lárus B. Lárusson (samkv.)
Felix Ragnarsson (sign)
Haraldur E. Þrastarson (sign)
Páll Þorsteinsson (sign)
Unnur I. Jónsdóttir (sign)