342. (36.) fundur Íþrótta- og tómstundaráðs Seltjarnarness, haldinn fimmtudaginn 30. apríl 2009 kl. 16:30 í hátíðarsal Gróttu í Íþróttamiðstöð við Suðurströnd.
Mættir voru: Felix Ragnarsson, Lárus B. Lárusson, Magnús Örn Guðmundsson, Páll Þorsteinsson, Unnur I. Jónsdóttir, Margrét Sigurðardóttir og Haukur Geirmundsson.
Ritari fundar: Páll Þorsteinsson.
Dagskrá:
- Endurskoðun á styrkjareglum ÍTS, málsnúmer 2009040069
Drög að breytingum lögð fram til kynningar, sbr. 6. lið 341. fundargerðar ÍTS. PÞ falið að fara yfir orðalag. - Golfklúbbur Ness, málsnúmer 2008050039
Frestað. - Ársreikningar Gróttu, málsnúmer 2007100065
Ársreikningarnir lagðir fram til kynningar. - Styrkbeiðni vegna landsliðsferðar í fimleikum, málsnúmer 2009040072
Samþykkt samhljóða að veita 20.000 kr. styrk. - Styrkbeiðni vegna landsliðsferðar í blaki, málsnúmer 2009040074
Samþykkt samhljóða að veita 20.000 kr. styrk. - Styrkbeiðni vegna æfinga- og keppnisferðar í fimleikum, málsnúmer 2009030006
Samþykkt samhljóða að veita samtals 140.000 kr. styrk til fararinnar vegna eins þjálfara og eins fararstjóra. - Styrkbeiðni vegna æfingabúða í sundi, málsnúmer 2009030017
Samþykkt samhljóða að hafna beiðninni þar sem ekki er talið að umsóknin uppfylli skilyrði í reglum ÍTS um styrki til íþróttafólks. - Styrkur Fjárhags- og launanefndar vegna skíðadeildar KR, málsnúmer 2009030031
Erindi frá Fjárhags- og launanefnd lagt fram til kynningar. - Vígsla knattspyrnuhúss
Formaður sagði frá vígslu knattspyrnuhúss. ÍTS þakkar bæjarstjórn og öðrum starfsmönnum bæjarins ásamt stjórn knattspyrnudeildar Gróttu fyrir ánægjulegt samstarf við byggingu hússins. - Öryggisgæsla, málsnúmer 2009030054
Framkvæmdastjóri sagði frá framkvæmd öryggisgæslu í sundlaug og lagði jafnframt fram bréf frá samstökum forstöðumanna sundstaða á Íslandi sem sent var til allra sveitarfélaga þar sem hvatt er til að hvergi verði slakað á í öryggisgæslu í búninsklefum og við sundlaugar. - Erindi sent til skipulagsnefndar, málsnúmer 2009040071
Formaður sagði frá því að bréf sem ÍTS sendi skipulags- og mannvirkjanefnd um bílastæði við íþróttahús ofl. mál hefði verið tekið fyrir í nefndinni og beðið væri svars við bréfinu. - Skýrsla um forvarnardag
Skýrslan lögð fram til kynningar. - Námsleyfi, málsnúmer 2009030013
MS sagði frá umsókn um námsleyfi sem hún hefur lagt fram. - Sumardagurinn fyrsti, málsnúmer 2009040070
MS sagði frá framkvæmd hátíðahaldanna Sumardaginn fyrsta. Tókust þau vel og voru vel sótt. - 17. júní, málsnúmer 2009040070
MS og LBL sögðu frá undirbúningi hátíðahalda sem unninn er í samvinnu við Menningarnefnd bæjarins. - Fundur vímuvarnarráðs – kynning á forvarnarstefnu Árborgar
MS sagði frá vinnu við forvarnarstefnu Seltjarnarnesbæjar sem nú er á lokastigi. Formaður sagði frá fundi sem hann átti ásamt MS og HG með fulltrúum Árborgar þar sem forvarnarstefna Árborgar var kynnt. - Sumarbæklingur
HG sagði frá Sumarbæklingi ÍTS 2009 sem borinn var í hús í dag. - Fimleikahús
Formaður lagði fram tillögu að stofnun undirbúningshóps vegna fyrirhugaðrar hönnunar og stækkunar fimleikahúss. Hópurinn verði skipaður einum fulltrúa frá meirihluta, einum frá minnihluta og tveimur fulltrúum frá Gróttu. Með hópnum starfi framkvæmdastjóri tækni- og umhverfissviðs og framkvæmdastjóri Íþrótta- og tómstundasviðs. Tillagan var samþykkt samhljóða. Samþykkt samhljóða að Lárus B. Lárusson verði fulltrúi meirihluta og jafnframt formaður hópsins og að Felix Ragnarsson verði fulltrúi minnihluta.u fyrir ánægjulegt samstarf við byggingu hússins.
Fundi slitið kl. 17:25
Lárus B. Lárusson (sign)
Felix Ragnarsson (sign)
Magnús Örn Guðmundsson (sign)
Páll Þorsteinsson (sign)
Unnur I. Jónsdóttir (sign)