345. (39.) fundur Íþrótta- og tómstundaráðs Seltjarnarness, haldinn þriðjudaginn 15. september 2009 kl. 16:30 í hátíðarsal Gróttu í Íþróttamiðstöð við Suðurströnd.
Mættir voru: Felix Ragnarsson, Lárus B. Lárusson, Magnús Örn Guðmundsson, Páll Þorsteinsson, Unnur I. Jónsdóttir, Haukur Geirmundsson og Nilsína Larsen Einarsdóttir.
Ritari fundar: Páll Þorsteinsson.
Dagskrá:
- Nýr unglingaráðgjafi
Hildigunnur Magnúsdóttir félagsráðgjafi og nýr unglingaráðgjafi á Seltjarnarnesi var boðuð á fundinn. Kynnti hún sig og sagði frá því helsta í starfi sínu. - Bréf frá aðalstjórn Gróttu vegna Suðurstrandavallar. mnr. 2009070059
Bréf frá aðalstjórn sem lagt var fram á 344. fundi rætt. Framkvæmdastjóra falið að skoða þau atriði sem nefnd eru í bréfinu áfram. - Bréf frá knattspyrnudeild Gróttu vegna Valhúsavallar. mnr. 2009090037
Bréf frá knattspyrnudeild Gróttu lagt fram og rætt. Erindinu vísað til Umhverfis- og tæknisviðs og óskað eftir kostnaðarmati. - Endurskoðun á brunavörnum íþróttahúss. mnr. 2008090068
Formaður og framkvæmdarstjóri skýrðu frá því að endurbótum á brunavörnum í íþróttahúsi er lokið. - Styrkbeiðni frá björgunarsveitinni Ársæli. mnr. 2009060030
Beiðnin lögð fram til kynningar. Ákveðið að boða fulltrúa björgunarsveitarinnar á næsta fund ÍTS til að kynna erindið og starf sveitarinnar nánar. - Styrkbeiðni vegna landsliðsferðar U-17 í knattspyrnu. mnr. 2009070066
Samþykkt samhljóða að veita 20.000 kr. styrk vegna landsliðsferðar. - Styrkbeiðni vegna landsliðsferðar á smáþjóðaleika í sundi. mnr. 2009090038
Samþykkt samhljóða að veita 20.000 kr. styrk vegna landsliðsferðar. - Áhaldakaup fyrir skóla og fimleika. mnr. 2008100008
Framkvæmdastjóri kynnti fyrirhuguð kaup á áhöldum vegna endurnýjunar. - Þakendurnýjun í sundlaug. mnr. 2009040047
Framkvæmdarstjóri sagði frá að endurnýjun á þaki sundlaugar hafi gengið vel fyrir sig. - Tilmæli félags fagfólks í frítímaþjónustu. mnr. 2009070043
Lagt fram til kynningar. Jákvæðar undirtektir voru við tilmælum um að standa vel að æskulýðs- og félagsstarfi barna og ungmenna í sveitarfélaginu. - Stofnun ungmennaráðs. mrn. 2008110011
Undirbúningsvinna er hafin og stefnt að því að fá 16 ára og eldri inn í ráðið. Ungmennaráð eru almennt skipuð á aldursbilinu 12 – 24 ára. - Forvarnarstefna Seltjarnarnesbæjar. mnr. 2007120031
Stefnt er að því að gefa út forvarnarstefnuna um miðjan október í tengslum við forvarnarviku. - Vetrarstarf Selsins. 2008030060
Nilsína Larsen Einarsdóttir sagði frá ungmennaráðinu og vetrarstarfi Selsins og vakti sérstaka athygli á því að Selið verður opið fyrir 16 ára og eldri á miðvikudagskvöldum í vetur. Nilsína var jafnframt sérstaklega boðin velkomin á fund ÍTS, þar sem hún er staðgengill Margrétar æskulýðsfulltrúa á meðan hún er í námsleyfi. - Afreksstyrkur til meistaraflokks karla í knattspyrnu.
Samþykkt samhljóða að veita meistaraflokki karla í knattspyrnu 500.000 kr. afreksstyrk vegna góðs árangurs á árinu, en liðið er komið upp í 1. deild í fyrsta skipti í sögu félagsins.
Fundi slitið kl. 17:50
Lárus B. Lárusson (sign)
Felix Ragnarsson (sign)
Magnús Örn Guðmundsson (sign)
Páll Þorsteinsson (sign)
Unnur I. Jónsdóttir (sign)