Mætt voru:Ásgerður Halldórsdóttir, Árni Einarsson, Nökkvi Gunnarsson,
Sjöfn Þórðardóttir, Haukur Geirmundsson
Gestir frá stjórn Handknattleiksdeildar Gróttu:
Arnar Þorkelsson
Árni B. Árnason
Árni Þór Árnason
Halldór Árnason
Ingólfur Vignir Guðmundsson
Olga Emilía Ágústdóttir
Vilhjálmur Þór Ólason
Aðrir gestir og fundarmenn:
Bjarni Torfi Álfþórsson, formaður Gróttu
Kristín Finnbogadóttir, frkv.stjóri Gróttu
Dagskrá:
1. Samkomulag um áframhaldandi samstarf meistaraflokka karla og kvenna Gróttu-KR kynnt stjórn Handknattleiksdeild Gróttu og viðhorfi hennar til þessa.
Fundargerð:
1. ÁH kynnti nýjan samstarfsamning um samstarf Gróttu og KR í handknattleik sem hún ásamt Bjarna Torfa Álfþórssyni formanni Gróttu höfðu undirritað fyrir hönd Gróttu fyrr um daginn. Óskað var eftir viðhorfi stjórnar handknattleiksdeildar Gróttu á þessum samning.
Í umræðum kom fram að deildin vildi láta skoða frekar ákvæði í samkomulaginu varðandi búninga og uppsetningu á stjórnarmönnum í barna og unglingastarfinu. SÞ kom með þá tillögu um að fela stjórn Handknattleiksdeild Gróttu fulla heimild til að eiga viðræður við KR um að allt barna-og unglingastarf handknattleiksdeildarinnar færi fram undir merkjum Gróttu og Handknattleiksdeildin myndi þannig halda sínu starfi áfram eins og verið hefur undanfarin tvö ár. Tillagan var samþykkt. Stjórn ÆSÍS samþykkti því að stjórn handknattleiksdeildar fengi fulla heimild til að eiga viðræður við KR og að hún hefði heimild ÆSÍS til að breyta ákvæðum í samningnum varðandi barna og unglingastarfið er hún teldi að mætti færa til betri vegar enda væru allar slíkar breytingar þá einnig samþykktar hjá KR. Stjórn handknattleiksdeildar bað um að fá annan fund með ÆSÍS í næstu viku til að fara yfir niðurstöður úr viðræðum við KR, tímasetning var ekki frekar ákveðin.
Handknattleiksdeild fór yfir viðhorf sitt af hverju hún telur útbreiðslu á starfi handboltans í vesturbæ nauðsynlega vegna uppbyggingu til framtíðar. ÁH og BTÁ tóku fram að alveg skýrt væri að allt starf handknattleiksdeildarinnar á Seltjarnarnesi yrði að vera undir merkjum Gróttu, þetta hefði verið ítrekað við KR þegar gengið var frá samning fyrr um daginn vegna ýmis konar ruglings vegna samstarfsins um meistaraflokka í handbolta.
Í umræðum um rekstur handknattleiksdeildar kom fram að fyrir þremur árum tók deildin yfir 2 flokk, 3 flokk og unglingaflokk. Deildin vildi ítreka að loforð sem henni voru gefin þá væru efnd, fyrir lægi hvaða tölur væri verið að tala um. Lofaði ÆSÍS að þessi mál yrðu klárað með deildinni.
Fundi slitið: 21:15
Fundaritari
Sjöfn Þórðardóttir
Ásgerður Halldórsdóttir (sign)
Árni Einarsson (sign)
Nökkvi Gunnarsson (sign)
Sjöfn Þórðardóttir (sign)
Opið í dag kl. 08-13
