Mætt: Ásgerður Halldórsdóttir, Sigrún Edda Jónsdóttir, Sjöfn Þórðardóttir, Nökkvi Gunnarsson, Árni Einarsson, Haukur Geirmundsson og Margrét Sigurðardóttir.
Dagskrá:
- Gervigrasvöllur
- Breytingar á sundlaug
- Afreksmannastyrkir – ferðastyrkir – aðrir styrkir
- Kjör Íþróttamanns Seltjarnarness 2002
-
Önnur mál
- Bréf frá kvennaráði Gróttu-KR
- Bréf frá Andrési Guðmundssyni
- Bréf frá Margréti Harðardóttur grunnskólafulltrúa
- Bréf frá Lúðvíki Hjalta Jónssyni frkvstj. Fjármála- og stjórnsýslusviðs
- Bréf frá stjórn handknattleiksdeildar Gróttu
- Húsnæðismál Selsins
- Bréf frá fimleikadeild Gróttu og knattspyrnueild Gróttu
- Nordjobb
- Fjárhagsáætlun ÆSÍS 2003
- Aðsóknartölur sundlaugar fyrir árið 2002
- Vefsíða ÆSÍS
- Dagskrá vegna öskudagsskemmtunar
- Reglugerð ÆSÍS
- Samþykkt var í bæjarstjórn á síðasta kjörtímabili að byggður yrði gervigrasvöllur við Suðurströnd fyrir neðan Valhúsaskóla (malarvallarstæði). Framkvæmdir áttu að hefjast árið 2002 og ljúka 2003. Því er brýnt að hefjast handa sem fyrst við byggingu vallarins. ÆSÍS leggur til að skipt verði á svæðum og völlurinn fluttur á Ísbjarnartorfuna. Samþykkt eftirfarandi tillaga: ÆSÍS leggur til að byggður verði fullbúinn knattspynuvöllur með gervigrasyfirborði á Hrólfsskálamel. Völlurinn verði upphitaður og flóðlýstur. Sjá greinargerð.
- Samþykkt að leggja til við bæjarstjórn að hafist verði handa við endur- og viðbætur á sundlaug samkvæmt fyrirliggjandi hugmyndum arkitektanna Margrétar Leifsdóttur, Ingunnar Hafstað og Önnu Kr. Hjartardóttur. Ráðið hvetur til þess að ráðist verði í þessar framkvæmdir sem fyrst., enda þessar framkvæmdir óhjákvæmilegar og kominn tími á andlitslyftingu laugarsvæðisins.
- Lagðar fram tillögur að styrkjareglum ÆSÍS. Formanni og Árna falið að ganga endanlega frá reglunum til afgreiðslu á næsta fundi.
- Formaður tekur saman fyrirliggjandi tilnefningar og sendir í tölvupósti til ráðsfólks. Ákvörðun um val tekin eftir það.
- Kvennaráðið óskar eftir auknum ferðastyrk vegna síðasta árs. Samþykkt að bæta 150 þúsund krónum við styrkinn.
- Ólöf Andrésdóttir var valin til þess að keppa á skíðum á ólympíuleikum æskunnar sem haldið var í Slóveníu í janúar sl. Samþykkt að veita henni 20 þúsund króna styrk.
- Í bréfi hennar er óskað eftir upplýsingum um tómstundastarf fyrir nemendur Mýrarhúsaskóla. Margréti Sigurðardóttur falið að svara erindinu.
- Lagt fram bréf þar sem áréttað er að rekstrarliðir vegna vinnuskóla og skólagarða verði undir rekstrarlið ÆSÍS.
- Stjórnin þakkar ÆSÍS skyndihjálparnámskeið.
- Margrét lagði fram framhald á skýrslu sinni um framtíðarsýn starfs Selsins frá síðasta fundi og kynnti hugmyndir um húsnæðismál félagsmiðstöðvarinnar. Skýrslan verður rædd í heild á næsta fundi en rætt var um hugmyndir Margrétar um húsnæðismál. Ráðið beinir því til skólanefndar og bæjarstjórnar að hugað verði að þörfum Selsins fyrir aukið húsnæði þegar skipulagður verður sá hluti húsnæðisins sem losnar við fyrirhugaðan flutning bókasafnsins á Eiðistorg og ætlaður er til afnota fyrir tónlistarskólann. Bendir ráðið á að könnuð verði möguleg samnýting í þessu skyni.
- Óskað eftir styrk til æfinga í Ræktinni. Framkvæmdastjóra falið að kanna samninga sem eru í gildi á milli Ræktarinnar og handknattleiksdeildar. Ráðið telur nauðsynlegt að ganga frá einum sameiginlegum samningi á milli allra deilda félagsins og Ræktarinnar.
- Óskað eftir að Seltjarnarnesbær taki þátt í að veita norrænum ungmennum möguleika á sumarstarfi á Íslandi. Ráðið tekur jákvætt í erindið. Margréti falið að kanna hvað felst í þessari beiðni og gera viðhlítandi ráðstafanir.
- Framkvæmdastjóri lagði fram breytta fjárhagsáætlun vegna ÆSÍS. Formanni falið að fara yfir þessar breytingar og bera þær saman við áður samþykkta fjárhagsáætlun ráðsins.
- Framkvæmdastjóri lagði fram tölur um gestafjölda í sundlaug árið 2002.
- Rætt um nauðsyn þess að betrumbæta vefsvæði ÆSÍS á heimasíðu bæjarins.
- Margrét lagði fram dagskrá vegna öskudagsskemmtunar.
- Rætt um að ljúka endurskoðun á reglugerð fyrir ÆSÍS. Framkvæmdastjóra falið að leggja fram lokadrög á næsta fundi.
Fundi slitið kl. 20.25.
Árni Einarsson ritaði fundargerð.
Ásgerður Halldórsdóttir
sign
Sigrún Edda Jónsdóttir
sign
Sjöfn Þórðardóttir
sign
Árni Einarsson
sign
Nökkvi Gunnarsson
sign