Mættir voru: Ásgerður Halldórsdóttir, Þór Sigurgeirsson, Árni Einarsson og Haukur Geirmundsson.
Forföll: Sjöfn Þórðardóttir, Sigrún Edda Jónsdóttir og Haraldur Eyvinds.
Gestir: Daníel R.Ingólfsson form.Gróttu, Margrét Sigurðardóttir forstm. Selsins og Lúðvík Hjalti Jónsson nýráðinn fræðslu- og menningarfulltrúi sem sat sinn fyrsta fund með ÆSÍS.
Dagskrá:
1. Fjárhagsáætlun 2001 – umræður og vettvangskönnun vegna viðhaldsþátta Íþróttamiðstöðvar.
2. Félagsmálanámskeið Selsins og Valhúsaskóla.
3. Gervigrasvöllur.
4. Önnur mál.
Formaður ÆSÍS. óskaði eftir því í byrjun fundar að röð dagskrárliða væri eftirfarandi: 4.,2.,1. og 3.
4. Daníel R. Ingólfssyni tilkynnt að ÆSÍS. hefði samþykkt að veita mfl.kvenna afreksstyrk að upphæð kr. 600.000.- vegna frábærrar frammistöðu s.l. keppnistímabil er þær léku til úrslita bæði í Íslandsmóti og bikarkeppni.
2. Margrét Sigurðardóttir sagði frá væntanlegu vetrarstarfi og kom fram í máli hennar að starfið færi vel af stað og þátttaka meiri en í fyrra. Sagði hún frá samstarfi Selsins og Valhúsaskóla og taldi það með ágætum og báðum til hagsbóta. Rætt var um sameiginlega framkvæmd félagsmálafræðslu og þjálfunar í félagsstörfum sem metið yrði sem hluti af námi í Valhúsaskóla undir formerkjum lífsleikni. Margrét mun vinna að framgangi hugmyndarinnar í samvinnu við skólann.
Margrét og Daníel véku af fundi kl. 18:00.
1. Gengið var um húsakynni Íþróttamiðstöðvar og viðhaldsþörf könnuð og almennt ástand mannvirkja. Þar komu fram nokkur forgangsverkefni sem þarf að sinna á næsta ári. Framkvæmdarstjóri mun setja niður viðhaldsáætlun og nýbreytni fyrir næsta fund ráðsins þann 19.okt. n.k. þar sem ráðið mun fara í gegnum fjárhagsáætlun ársins 2001.
3. Framkvæmdastjóri sagði frá því að nefnd sem skipuð var af bæjarstjóra til þess að skoða fyrirhugaðar framkvæmdir á malarvelli við Suðurströnd hefði komið saman á sínum fyrsta fundi og væri málið komið af stað.
Fundarritari var Árni Einarsson.
Næsti fundur helgaður fjárhagsáætlun verður haldinn 19.október.