142. fundur menningarnefndar Seltjarnarness haldinn á Bæjarskrifstofu Seltjarnarness miðvikudaginn 30. maí 2018 kl. 17:00
Mættir: Sjöfn Þórðardóttir formaður, Sigurþóra Bergsdóttir, Oddur J. Jónasson og Ásta Sigvaldadóttir.
Lýður Þorgeirsson boðaði forföll.
María Björk Óskarsdóttir ritaði fundargerð.
Dagskrá:
- Málsnúmer 2018030150 Drög að dagskrá 17. júní lögð fram til kynningar
Dagskráin þykir vönduð og lofa góðu. Er samþykkt einróma. - Málsnúmer 2018020055 Umsókn um styrk vegna sýningar / sviðslistaverks „Verkleg rannsókn á sviðssetningu íslenskrar karlmennsku“. Viðbótarupplýsingar lagðar fram.
Menningarnefnd er hlynnt því að styrkja þessa ungu listamenn um afnot að Félagsheimili Seltjarnarness til æfinga og sýninga í samráði við sviðsstjóra og rekstraraðila auk þess að styrkja þá um peningafjárhæð að upphæð a.m.k. 100.000 kr. og vísar erindinu áfram til bæjarráðs. - Málsnúmer 2018050352 Umsókn um styrk til Kammerkórs Seltjarnarneskirkju vegna tónleikahalds.
Menningarnefnd sér sér ekki fært að taka fyrir erindið sökum ófullnægjandi upplýsinga sem fylgdu styrkumsókninni. - Önnur mál
María fór lauslega yfir það sem er framundan næstu vikur og mánuði.
Sjöfn upplýsti um að menningarnefnd veitir venju samkvæmt heiðursviðurkenningar annars vegar til tveggja framúrskarandi nemenda í tónlistarskóla Seltjarnarness og hins vegar til tveggja framúrskarandi nemenda við skólaslit 10. bekkjar Valhúsaskóla.
Fleira ekki tekið fyrir, formaður menningarnefndar þakkaði nefndarmönnum fyrir samstarfið á kjörtímabilinu og fundi slitið kl. 18.00